Vaut N Aaidiya Saraji

India » Monday, April 22, 2013

pramukh samvaadadaata. Nai Delhi PM Manmohan Singh ne aathavein civil services de ke mauke par ravivaar ko desh ke vibhinn ilaakon mein asaadhaaran kaam karne vaale adhikaariyon ko sammaanit kiya. Manmohan ne kaha ki desh ke tej vikaas ke liye inoveshan ki jaroorat hai. PM ke mutaabik, byoorokresi ko sarkaari yojanaaon ko sthaaneeya dhaanche mein dhaalakar unako jarooratamandon tak pahanuchaane ki disha mein nae tareeke apnaane chaahiye. Naksali ilaake mein education: Chhattisgarh kaidar ke 2005 ke aaiees adhikaari O. Pi. Chaudhari ko naksal ilaake mein nai peedhi ko shiksha ka raasta dikhaane ke liye sammaanit kiya gaya. Unhonne dantevaada ke collector ke roop mein bachchon ko shikshit karne ki disha mein kai kaam kiye. Unki is koshish ko pablik edaministreshan mein sabse behtar kaam ka puraskaar mila. Maila dhone ki pratha ka khaatma: Pradhaanamantri ne aaiees adhikaari amit gupta ko badaayoon mein unke 'Daliya jalaao' abhiyaan ke liye puraskrut kiya. Yah abhiyaan maila dhone vaalon ko is pratha se mukt karaane ke liye chalaaya gaya tha. Unke kaaryakaal mein graameen ilaakon ke sabhi shushk shauchaalayon ko flash toilet mein tabdeel kiya gaya. Inhein bhi mila sammaan: Karnataka ke Hubli-dhaaravaad shaharon ki saanskrutik viraasat vaapas laane aur vahaan shahari jheelon ko bachaane mein aham yogadaan ke liye aaiees adhikaari darpan jain sammaanit hue. Karnataka mein hi kaumarshiyl tax ki vyavastha ko badalne ke liye aaiees adhikaari pradeep Singh kharola ke netrutv mein saat sadasyeeya team ko sammaanit kiya gaya. Sikkim sarkaar ko vahaan ke chunauteepoorn bhautik paryaavaran mein graameen prabandhan aur vikaas mein behtar kaam ke liye pradhaanamantri puraskaar se sammaanit kiya gaya. Iske alaava, Gujarat ke rojagaar aur prashikshan nideshaalaya ko bhi uske skil divelapameint program ke liye sammaan mila.