Vaur Room Leek Shankaran Ka Pratyarpan Mumkin

India »

Vaur Room Leek  Shankaran Ka Pratyarpan Mumkin

pramukh samvaadadaata . Nai Delhi navy vaur room leek case maamale mein aaropi ravi shankaran ke pratyarpan ka raasta saaf ho gaya hai. CBI ke mutaabik UK ki sambandhit adaalat ne ravi shankaran ko Bhaarat pratyarpan karne ko manjoori day di hai. Adaalat ne ravi shankaran ki pratyarpan ke khilaaf daakhil arji ko khaarij kar diya aur maamale ko UK ke sekretari ko refar kar diya taaki niyam ke tahat pratyarpan ka order ho sake. CBI pravakta aar. Ke. Gaud ke mutaabik vaur room leek maamale mein aaropi ravi shankaran ne pratyarpan ke khilaaf appeal daakhil karte hue CBI ke sabooton ko chunauti di thi. CBI ne pratyarpan adaalat mein tamaam electronic dastaavej pesh kiye the. Saath hi fareinsik eksapart ki report pesh ki thi. Adaalat mein CBI ne apne paksh pesh kiye. Sunavaai ke dauraan bachaav paksh ki or se India ke jail kandishn aur aaropi ko jamaanat diye jaane ke savaal uthaae. CBI ne bataaya ki is maamale mein tamaam aaropiyon ko jamaanat di ja chuki hai aur aise mein ravi shankaran ke jamaanat ka bhi virodh naheen kiya jaaega lekin shartein laagoo raheingi. Ravi shankaran navy vaur room leek case mein mukhya aaropi hai. CBI ne jaise hi is maamale mein case darj kiya uske baad vah faraar ho gaya. 2006 mein chhaanabeen ke dauraan CBI ne ravi shankaran ke passport ko radd kar diya tha aur uske khilaaf red corner notice jaari kiya gaya tha. Uske khilaaf CBI ne chargesheet daakhil kar rakhi hai aur court ne vaurant jaari kiya aur baad mein use bhagoda ghoshit kar diya gaya. Ravi shankaran ko UK mein khoja gaya. UK athauriti ke saamane CBI ne ravi shankaran ke pratyarpan ke liye aagrah kiya. Baad mein London ki adaalat ne ravi shankaran ke khilaaf vaurant jaari kiya aur use April, 2010 mein giraftaar kiya gaya lekin baad mein use jamaanat di gayi.

Vaur Room Leek Shankaran Ka Pratyarpan Mumkin https://www.angrejinews.com/pic/3770