Varun Ne Sultaanapur Se Chunaav Ladne Ki Atkalon Ko Di Hava

Breaking »

Varun Ne Sultaanapur Se Chunaav Ladne Ki Atkalon Ko Di Hava

Sultaanapur. . Sultaanapur se agala Loksabha chunaav ladne ki atkalon ko hava dete hue bhaarateeya janta party (BJP) raashtreeya mahaasachiv varun Gandhi ne guruvaar ko kshetravaasiyon se bhaavanaatmak appeal ki. BJP ki 'Svaabhimaan rally' mein varun ne ishaaron hi ishaaron mein Congress adhyaksh soniya Gandhi ke nirvaachan kshetr raayabareli aur Congress mahaasachiv saansad Rahul Gandhi ke chunaav kshetr amethi mein bhi BJP ka jhanda laharaane ka aahvaan karte hue kaaryakartaaon se kaha ki sultaanapur se ek nai raajaneeti ki shuruaat honi chaahiye aur usaka asar ayodhya, jaunapur se lekar prataapagadh tak jaana chaahiye. Ullekhaneeya hai ki raayabareli aur amethi nirvaachan kshetr sultaanapur va prataapagadh jilon se sate hain. Sultaanapur se agala Loksabha chunaav ladne ki tej hoti atkalon ko hava dene ke andaaj mein varun ne kshetr ki janta se bhaavanaatmak appeal ki aur kaha, ''Aaj main apne ghar aaya hoon. 19 March ko meri beti paida hui. . . . . Ghar mein khushi thi, lekin Bhagwan ne 19 April ko use hamse chheen liya. . . . . Vah mera pehla bachcha tha. Hamaare hrudaya mein kitni peeda hai. Ise main hi samajhta hoon aur ab se sultaanapur ke sabhi bachche mere bachche hain. '' peeleebheet se BJP ke yuva saansad ne kabhi amethi se saansad rahe apne divangat pita sanjaya Gandhi ke sultaanapur se rishton ki yaad dilaate hue kaha, ''Mere pita ji ka haath aapke haath mein raha hai aur main aapke kasht ko samajhakar kaam karne aaya hoon. Koi chunaavi ghoshana karne naheen. Aap sabhi mere dil mein hain. '' uttar pradesh sarkaar par prahaar karte hue varun ne kaha ki aaj koi bhi vyakti surakshit naheen hai. Majadoor, gareeb aur kisaan samet har varg pareshaan hai. Uttar pradesh ke mukhyamantri Akhilesh Yadav naujavaan jaroor hain. Lekin unki sarkaar ko bane ek saal gujar jaane ke baad bhi yuvaaon ko rojagaar naheen mila. Varun ne BJP ke poorv raashtreeya ayaksh nitin gadkari ki taareef karte hue kaha' aisa bade dil vaala neta mainne naheen dekha. Unhonne desh tatha party ke sammaan ke baare mein socha aur jab un par ungali uthi to turant apne pad se isteefa day diya. Gadkari ne is avsar par kaha ki desh is vakt anek sankaton se joojh raha hai. Gareeb aur majadoor sabhi dukhi hain. Kisaan aatmahatya kar rahe hain. Unhonne SP aur BSP ko aade haath lete hue kaha ki ye donon paartiyaan kendra ki bhrashtaachaari sarkaar ko bacha rahi hain. Gadkari ne kaha ki jaativaad ne desh ka bahut nuksaan kiya hai aur uttar pradesh mein jaati ke naam par sammelan kiye ja rahe hain.

Varun Ne Sultaanapur Se Chunaav Ladne Ki Atkalon Ko Di Hava https://www.angrejinews.com/pic/8793