Varun Ko 'Gandhi Hone Ka Faayda Milaa Vinaya Katiyaar

Breaking »

Varun Ko 'Gandhi Hone Ka Faayda Milaa Vinaya Katiyaar

Nai Delhi. . BJP ne aagaami Loksabha chunaavon ke maddenajar ravivaar ko apni 'Team 2014' ka ailaan kar diya. Gujarat ke mukhyamantri Narendra Modi ke dabadabe waali is team par party ke andar hi asantosh ke svar sunaai dene lage hain. Team ki ghoshana hone ke kuchh hi der baad neharu Gandhi parivaar ke varun Gandhi ko khaas tavajjo dete hue mahaasachiv banaane par BJP neta vinaya katiyaar ne naaraajagi jata di. UP ke varishth neta kaalaraaj mishr bhi is team ko lekar naaraaj bataae ja rahe hain. Mishr team mein UP ke varishth netaaon ko tarajeeh na diye jaane se khush naheen hain. Alpasankhyakon ke khilaaf kathit bhadkaaoo tippani karne ke liye kuchh din ke liye jail bhi ja chuke varun ko uttar pradesh mein chunaav ke dauraan unki bhoomika ko dekhte hue aham sthaan diya gaya. Varun ko aham sthaan dena Congress ke upaadhyaksh Rahul Gandhi ki kaat ki roop mein dekha ja raha hai. Varun ko party mein ahamiyt dene par vinaya katiyaar ne kataaksh karte hue kaha ki varun ke aage 'Gandhi' laga huaa hai, shaayad isliye unhein jaroorat se jyaada mahatva diya gaya hai. Katiyaar ne kaha, 'Gandhi parivaar se jude hone ka faayda to hota hi hai. Jaise vahaan Rahul Gandhi ko mila hai, vaise yahaan varun Gandhi ko mil raha hai. Mehnat bahut saare log karte hain, lekin Gandhi shabd jiske aage-peechhe juda rahata hai, use to tavajjo milti hi hai. . . Fir chaahe vah Congress ho ya BJP. ' nai team mein Modi ke kareebi amit shaah ko bhi mahaasachiv jaisa aham pad diya gaya hai. Isko lekar vipakshi dalon ko bhi BJP ki is nai team par nishaana saadhane ka mudda mil gaya hai. Gaurtalab hai ki kathit aparaadh saragana soharaabuddeen shekh ki farji muthabhed ki saajish mein CBI ke abhiyukt banaae jaane par shaah ko Gujarat ke gruh mantri pad se hatna pada tha. Vah kuchh din jail mein bhi rahe the.

Varun Ko 'Gandhi Hone Ka Faayda Milaa Vinaya Katiyaar https://www.angrejinews.com/pic/3964