Varsh 2018 Mein Bhaarat Mein FDI Chhah Pratishat Badhkar 42 Arab Dollar Hua Sanyuktaraashtr

Business »

Varsh 2018 Mein Bhaarat Mein FDI Chhah Pratishat Badhkar 42 Arab Dollar Hua Sanyuktaraashtr

Sanyuktaraashtr, 12 June (bhaasha) varsh 2018 mein Bhaarat mein pratyaksh videshi nivesh (FDI) chhah pratishat badhkar 42 arab dollar par pahunch gaya. Sanyuktaraashtr ki ek report mein yeh jaankaari di gayi hai. sanyuktaraashtr ki ankataad (sanyuktaraashtr vyaapaar evam vikaas sangathan) dvaara Budhvaar ko jaari vaishvik nivesh report 2019 mein kaha gaya ki Bhaarat 2017-18 ke dauraan FDI aakarshit karne vaale sheersh 20 deshon mein shaamil raha. Usane kaha ki vinirmaan, sanchaar tatha vitteeya sevaaen kshetron mein tej nivesh aur seema paar vilay evam adhigrahan badhne ke kaaran Bhaarat mein FDI badha hai. haalaanki is dauraan vaishvik FDI 13 pratishat kam hua hai. Yeh vaishvik FDI mein lagaataar teesare saal aayi kami hai. dakshin Asia mein FDI is dauraan 3.5 pratishat badhkar 54 arab dollar par pahunch gaya. report mein kaha gaya ki Bhaarat dakshin Asia mein FDI paane mein sheersh par raha hai. Bhaarat mein FDI is dauraan chhah pratishat badhkar 42 arab dollar par pahunch gaya.

Varsh 2018 Mein Bhaarat Mein FDI Chhah Pratishat Badhkar 42 Arab Dollar Hua Sanyuktaraashtr https://www.angrejinews.com/pic/280804