Vanaspati Telon Ka Aayaat February Maheene Mein 7.40 Pratishat Badha

Business »

Vanaspati Telon Ka Aayaat February Maheene Mein 7.40 Pratishat Badha

Nayi Delhi, 15 March (bhaasha) rifaaind paam tel ka aayaat badhne se February maheene mein vanaspati telon ka kul aayaat 7.40 pratishat badhkar 12.42 lakh tan par pahunch gaya. Udyog sangathan esaie ne yeh jaankaari di hai. vanaspati telon mein khaadya evam akhaadya tel donon shaamil hote hain. Tel vipnan varsh November se shuroo hokar October mein samaapt hota hai. saulveint eksatraiktars association of India (esaie) ne jaari bayaan mein kaha, ''Vanaspati telon ka aayaat is saal February mein 12,42,533 tan raha. Pichhle saal February mein yeh 11,57,044 tan raha tha. '' is dauraan khaadya telon ka aayaat 11,24,999 tan se badhkar 11,82,062 tan par aur akhaadya telon ka aayaat 32,045 tan se badhkar 60,471 tan par pahunch gaya. chaaloo vipnan varsh mein February tak vanaspati telon ka kul aayaat pichhle vipnan varsh ki samaan avadhi ki tulana mein 1.61 pratishat badhkar 48,62,849 tan par pahunch gaya. esaie ne kaha, ''Vitt mantraalaya ne ek January 2019 se paam tel par aayaat shulk kam kiya hai jisse kachcha evam paam tel ke aayaat shulk ke beech ka antar 10 pratishat se ghatkar paanch pratishat rah gaya. Isse February 2019 mein aarabeedi paamolin ka aayaat do guna badhkar 2,41,101 tan par pahunch gaya. '' sangathan ne kaha ki Malaysia se Bhaarat bheje jaane ke liye taiyaar aarabeedi paamolin ko dekhte hue aane vaale maheenon mein aayaat aur badh sakta hai. Usane chetaavani di, ''Yadi aayaat shulk visangati ko theek naheen kiya gaya to yeh ghareloo paam rifaaining udyog ke taaboot ki aakhiri keel saabit hone ki aashanka hai.

Vanaspati Telon Ka Aayaat February Maheene Mein 7.40 Pratishat Badha https://www.angrejinews.com/pic/261391