Vakt Se Pehle Chunaav Ko Taiyaar Hain Maayaavati

India »

Vakt Se Pehle Chunaav Ko Taiyaar Hain Maayaavati

PTI . Chandigarh : BSP supreemo maayaavati ne vakt se pehle Loksabha chunaavon se inkaar naheen kiya hai. Haalaanki, unhonne yah bhi kaha hai ki saampradaayik taakaton ko satta se door rakhane ke liye unki party janavirodhi neetiyon ke baavajood UPA sarkaar ko baahar se samarthan deti rahegi. Gaurtalab hai ki is vakt UPA sarkaar ke liye maayaavati aur mulaayam Singh ka samarthan sabse aham hai. Donon hi paartiyaan use baahar se samarthan day rahi hain. Maayaavati ne ravivaar ko riportaron se kaha, desh mein chunaav tay samay par hon ya pehle, BSP taiyaar hai. Hamaari party iske liye poora prayaas kar rahi hai. Vittamantri pi. Chidambaram dvaara shanivaar ko vakt se pehle chunaavon ki sambhaavana ki baat khaarij kiye jaane ke baavajood is sannbandh mane maayaavati ne kaha, main abhi is baare mein kuchh naheen kah sakti. Haalaanki unhonne kaha ki jo haalaat chal rahe hain, unase lag raha hai ki samay se pehle chunaav ho sakte hain.

Vakt Se Pehle Chunaav Ko Taiyaar Hain Maayaavati https://www.angrejinews.com/pic/4820