Vakeelon Ne Mahila Ke Saath Maarapeet Ki, Maamala Darj

Breaking »

Vakeelon Ne Mahila Ke Saath Maarapeet Ki, Maamala Darj

Shreenagar. . Kashmir ke anantanaag jile mein vakeelon ne adaalat parisar mein mahila ke saath maarapeet ki . Police ne is baare mein maamala darj kar liya hai . Police ne bataaya ki peedita khaalida baano ne ek mahila samet teen vakeelon ke khilaaf shikaayat darj karaai hai ki unhonne anantanaag jila adaalat parisar mein kal unhein buri tarah maara-peeta. Unhonne bataaya ki baano ke jakhmon se bahut khoon nikal raha tha aur unhein aspataal mein bharti karaaya gaya hai. Police adhikaari ne kaha, 'Peedita ne teen vakeelon ke naam bataae hain aur unhein giraftaar karne ki koshish ho rahi hai. Doosari or anantanaag baar asosiyeshan ne aaropon ko khaarij karte hue kaha hai ki mahila ne hangaama kiya tha aur usi ne ek mahila vakeel par hamla kar diya. Asosiyeshan ke pravakta ne kaha, 'Hamaare vakeelon ne kisi par hamla naheen kiya hai . Mahila ne hi hamaari mahila vakeel par hamla kiya tha aur unke sahayogi unhein bachaane gaye the. Is baare mein mukhya nyaayik maijistret ki adaalat mein shikaayat ki jaaegi.

Vakeelon Ne Mahila Ke Saath Maarapeet Ki, Maamala Darj https://www.angrejinews.com/pic/4322