Vakeel Ki Hatya Ke Baad Hadtaal, Tanaav

India »

Vakeel Ki Hatya Ke Baad Hadtaal, Tanaav

bhaasha . Kanpur ek vakeel ki hatya ke virodh mein Kanpur ki sabhi adaalaton ke vakeel Budhvaar ko hadtaal par rahe. Vakeel prashaant ki hatya mangalvaar raat us samay hui jab vah ek ejukeshanal instityoot se baahar nikal rahe the. Hadtaal ki vajah se kachahari ke aaspaas ki saari dukaanein band raheen. Mauke par bhaari police bal tainaat hai. Kanpur baar kaaunsil ke adhyaksh suresh Singh chauhaan ne bataaya ki hadtaal ka faisala Budhvaar subah liya gaya hai. Aaj kisi bhi court mein koi kaam nahi ho raha hai. Hamaari pramukh maang hai ki police hatyaaron ko jald se jald giraftaar karein. Iske alaava yah hadtaal kab tak chaleingi is baare mein faisala vakeelaanein nki baithak mein hoga. SSP yashasvi Yadav ne bataaya ki abhi is maamale mein kisi ki giraftaari nahi hui hai, kyonki mrutak ke parijanon ne ab tak koi likhit report naheen di hai. Mauke par maujood ek do logon ko poochhataachh ke liye hiraasat mein liya gaya hai. Yang laayars asosiyeshan ke mahaamantri ratan Agrawal ne kaha ki vakeel jabaradast aandolan kareinge aur prashaant ke hatyaaron ko giraftaar kar kadi se kadi saja dilaane ki koshish kareinge. Unhonne kaha ki prashaant baar kaaunsil ka sadasya bhi tha. Udhar vakeelon ke kisi sambhaavit hangaame ko dekhte hue kachahari aur uske aaspaas kaafi sankhya mein police bal tainaat kar diya gaya hai.

Vakeel Ki Hatya Ke Baad Hadtaal, Tanaav https://www.angrejinews.com/pic/6705