. . . Vah Tooti Naheen, Doosaron Ko Day Rahi Nai Ummeedein

India »

. . . Vah Tooti Naheen, Doosaron Ko Day Rahi Nai Ummeedein

teeenaen. Kolkata : Vah vahasheepan ka shikaar bani, lekin usane himmat naheen haari. Kolkata ke park street ke charchit gang-rape kaand ki peedita ab apni hi tarah museebat mein fansi mahilaaon ki madad ke liye helpline ka kaam karti hain. Pichhle saal 5 February ko ek car mein unke saath gang-rape huaa tha. Darindon ne pehle usaki asmat looti aur fir unhein chalti car se feink diya. 37 saal ki is mahila ne pehle maut ko maat di, fir usane nai ummeedon ke saath fir jindagi shuroo kar di. Teeenaen se baat karte hue unhonne pehle apna dukh bayaan kiya fir khushi jaahir ki. Vah kehti hain ki mainne naukri paane ke liye kai interview diye, lekin har jagah se sirf tirskaar hi mila. Ab Bhagwan ka lakh-lakh shukriya hai ki mujhe aisa kaam mila hai, jiski saarthakata hai. Unke jeevan mein yah nai roshani beete 18 April ko I. Vah bataati hain ki helpline chalaane waali ektivist ne mujhe apne yahaan jaub ka ofar diya to mainne ise khushi-khushi manjoor kar liya. Iske liye unhein baakaayada 10 hajaar rupaye sailari bhi milti hai. Vaise vah kehti hain ki sailari se jyaada khushi unhein tab milti hain jab vah apni hi tarah ki mahilaaon ko maanasik jhanjhaavaat se ubaarati hain.

. . . Vah Tooti Naheen, Doosaron Ko Day Rahi Nai Ummeedein https://www.angrejinews.com/pic/8839