'Vaayu Chakravaat Ki Badhi Raftaar, Gujarat Ki Or Badha, Maunasoon Bhi Ho Sakta Hai Let

Breaking »

'Vaayu Chakravaat Ki Badhi Raftaar, Gujarat Ki Or Badha, Maunasoon Bhi Ho Sakta Hai Let

Nai Delhi Lakshadveep dweep samooh ke paas arab saagar ke oopar bana chakravaati toofaan 'Vaayu' ki raftaar badhne lagi hai. Is toofaan ke Budhvaar tak gambhir chakravaati toofaan ke roop mein tabdeel hone ki sambhaavana hai. Yeh uttar-pashchim ki taraf se Gujarat ki or teji se badh raha hai. Mausam vibhaag ki maanein to is toofaan ke saath desh ke pashchimi taton mein bhaari baarish ho sakti hai. Yeh toofaan garm samudra se taakat ekatr kar raha hai aur somvaar ko yeh ek gahre dabaav mein badal gaya. Mangalvaar-Budhvaar tak yeh toofaan ek taakatavar chakravaat ke roop mein saamane aa sakta hai. Bhaarat mein is chakravaat ko 'Vaayu' naam diya gaya hai. Guruvaar ko yeh toofaan apne charam par hoga. Mausam vibhaag ke adhikaariyon ka kehna hai ki 13 June ki subah 'Vaayu' Gujarat ke porabandar aur mahuva ilaakon se gujarega aur us vakt iski raftaar 110-120 kilometer prati ghante se 135 kilometer prati ghante rah sakti hai. IMD Weather: #VayuCyclone very likely to move nearly northward and cross Gujarat coast between Porbandar and Mahuva‚Ķ https: //t. Co/Ez82tl2nLF— ANI (@ANI) 1560223064000 Bhaarat ke mausam vibhaag ne chakravaat vaayu par ek oreinj alert jaari kiya. Oreinj alert ka matlab hota hai ki yeh toofaan jameeni star par bahut jyaada nuksaan naheen karega. Haalaanki samudra ke oopar is toofaan ke mandaraane ko lekar machhuaaron ke liye 13 June tak alert jaari kiya gaya hai aur unhein samudra mein na jaane ki chetaavani di gayi hai. Uttar ki or badh raha 'Vaayu' Choonki vaayu chakravaat Bhaarat ke dakshini tat ke kareeb se uttar ki or badh raha hai, isliye maunasoon se nami door hone ki ummeed hai. Visheshagyon ki maanein to is chakravaat ke kaaran maunasoon agale kuchh din aage badh sakta hai. Aaiemadi ke poorvaanumaan vibhaag ke pramukh di shivaanand pai ne kaha ki maunasoon ke 15-16 June tak aane ki sambhaavana tha, lekin ab aisa naheen hoga kyonki chakravaat nami ko kheench lega aur isse maunasoon let ho sakta hai. Padhein: Bheeshan garmi mein jhulasi Delhi, mubani mein tej baarish, 11 vimaanon ko daayavart kiya gaya Maunasoon saamaanya se ek saptaah baad 8 June ko Kerala pahuncha tha. Agar yeh chakravaat Pakistan ki or naheen muda to isse Gujarat aur pashchimi tateeya ilaakon mein bhaari baarish ho sakti hai. Adhikaariyon ne kaha ki iske uttar ki or ki halachal waali nam samudri havaaon ko Gujarat aur Rajasthan ki taraf se uttar Bhaarat ki taraf modne ki sambhaavana hai. Yeh apne saath halki baarish la sakti hai aur jisse is kshetr mein garm taapamaan se raahat mil sakti hai. Is khabar ko angreji mein padhein.

'Vaayu Chakravaat Ki Badhi Raftaar, Gujarat Ki Or Badha, Maunasoon Bhi Ho Sakta Hai Let https://www.angrejinews.com/pic/280488