Vaastav Mein Match Winner Hain Shane Watson Rahul Dravid

Cricket »

Vaastav Mein Match Winner Hain Shane Watson Rahul Dravid

Jaipur. . Rajasthan Royals ke kaptaan Rahul Dravid ne Shane Watson ki taareef karte hue kaha ki vah sahi maayanon mein match winner hain aur 34 geind mein 70 run ki unki paari sarvashreshth paariyon mein se ek hai. Watson ne chennai super kings ke geindabaajon ki dhajjiyaan udaate hue kal Rajasthan Royals ko paanch wicket se jeet dilaai. Dravid ne match ke baad kaha, 'Hamein ummeed thi ki vah aisi paari khelega kyonki vah sahi maayane mein match winner hai. Jis tarah se usane Ashwin ke over mein dhuaandhaar ballebaaji karke dabaav hataaya, vah sarvashreshth ballebaaji ka namoona tha. Humne chaar wicket 45 run par ganva diye the lekin fir usane David Miller jaisi paari khelkar match ka naksha badal diya. ' kings eleven Punjab ke Miller ne royal Challengers Bengaluru ke khilaaf 38 geind mein 101 run banaakar team ko jeet dilaai thi. Dravid ne naabaad 41 run banaane vaale stuart binni ki bhi taareef ki. Unhonne kaha, 'Binni ab kaafi behtar cricketer ho gaya hai. Jis tarah se usane dabaav ka saamana kiya, usase usaki paripkvata najar I. Ab raashtreeya chayanakartaaon ko bhi is par dhyaan dena chaahiye. Ti-20 cricket mein vah behatareen finisher hai. 'Watson se khush hue fleming Shane Watson ki 34 geind par 70 run ki paari ko 'Bemisaal' karaar dete hue chennai Superkings ke coach Stefan fleming ne kaha ki Australiaee all-rounder ne keval chaar ya paanch over mein match ka paasa palat diya. Rajasthan Royals ne 142 run ke lakshya ka peechha karte hue paanch over ke andar teen wicket ganva diye jiske baad Watson ne toofaani paari kheli jisse Royals ne 17 geind shesh rahate hue paanch wicket ki naatakeeya jeet darj ki. Fleming ne match ke baad samvaadadaataaon se kaha, 'Yah Shane Watson ki bemisaal paari thi. Jab har koi jeevant pitch par sangharsh kar raha tha tab unhonne kuchh hi samay mein match ka paasa palat diya. Unhonne bahut teji se match ka naksha badal diya. ' unhonne kaha, 'Chaar ya paanch over ke andar usane hamse match chheen liya. ' Royals paanchavein over mein teen wicket par 19 run banaakar sangharsh kar raha tha. Dasvein over mein usaka score chaar wicket par 45 run ho gaya. Fleming ne kaha ki Watson ke crease par aane se pehle tak sab kuchh unki team ke niyantran mein tha. Unhonne kaha, 'Geindabaaji achhi thi aur hamaare geindabaajon ne tab tak achha pradarshan kiya tha. Yahaan bamushkil hi paanch tej geindabaajon ke saath utara ja sakta hai isliye ham spin ke liye aar Ashwin par kaafi nirbhar the lekin uske pehle over mein hi 23 run chale gaye aur isse unhein faayda huaa.

Vaastav Mein Match Winner Hain Shane Watson Rahul Dravid https://www.angrejinews.com/pic/8466