Vaarta Ke Liye Koi Poorv-shart Naheen Hai Pak Uchchaayukt

Breaking »

Vaarta Ke Liye Koi Poorv-shart Naheen Hai  Pak Uchchaayukt

Nai Delhi: Narendra Modi sarkaar ke saath samagr vaarta prakriya ko shuroo karne ki shart rakhate hue Pakistan ne somvaar ko yeh spasht kiya ki Bhaarat ko jammoo-Kashmir jaise 'Vivaadit' muddon se nipatne mein jhijhak naheen honi chaahiye aur use vaarta ko koi poorv-shart bhi naheen rakhani chaahiye. Bhaarat mein Pakistan ke uchchaayukt abdul baasit ne kaha, 'Ab do lokataantrik deshon ko faisala karna hai ki hamein kadvaahat ko khatm karna hai athva takaraav ko anishchitkaal ke liye barkaraar rakhana hai. Donon desh aur unki janta galat disha mein badhne tatha itihaas ke galat paksh mein hone ki keemat vahan naheen kar sakte. ' ispar pratikriya dete hue bhaajapa pravakta nirmala seetaaraman ne kaha ki aisi tippani karke Pakistan swayam shartein rakh raha hai. unhonne Pakistan mein chal rahe Mumbai aatankvaadi hamle 26/11 ki sunavaayi ki dheemi gati par bhi savaal uthaae. baasit ne kaha ki Pakistan Narendra Modi ki bhaarateeya pradhaanamantri ke taur par Islamabad yaatra ko lekar aashaanvit hai tatha ummeed jataai ki donon desh sheegra samvaad ke jariye 'Matabhedon aur vivaadon' ka samaadhaan nikaal leinge. bhaarateeya press club ke sadasyon ke saath baatcheet ke dauraan Bhaarat mein Pakistani uchchaayukt ne kaha, 'Narendra Modi jab bhi Pakistan ka daura karne ka faisala kareinge tab ham unki mejabaani karne ke liye taiyaar hain. Hamaare pradhaanamantri navaaj shareef unhein aamantrit bhi kar chuke hain. ' unhonne kaha ki Bhaarat mein nayi sarkaar ke gathan ke baad shuruaat ke chaar-paanch maheene mahatvapoorn honge aur vahi tay kareinge ki dwipaksheeya sambandh kis disha mein aage badheinge. Bhaarat mein Pakistani uchchaayukt abdul baasit ne kaha, 'Agale chaar-paanch maheene mahatvapoorn hain. . Kaise cheejein aage badheingi. Lekin kisi bhi vaarta ke liye keaai poorv-shart naheen ho sakti hai. ' baasit ne kaha ki Jammu-Kashmir mahatvapoorn mudda hai aur Bhaarat sarkaar ko duniya se kiye gaye apne vaade ko poora karna hai. unhonne kaha, 'Yeh samagr vaarta ka hissa hai. Ham vivaadit muddon par jhijhkate naheen hain. Jab ham sabhi muddon ka hal nikaaleinge, tabhi ham aage badh sakeinge. ' baasit ne kaha ki Islamabad nai Delhi mein ban rahi nai sarkaar ke saath kaam karne ko lekar utsuk hai aur is dauraan Pakistan mein Bhaarat ke saath mitravat sambandhon ko lekar raashtreeya sahamati hai. unhonne kaha ki Pakistan ki sarkaar gambheerta se yeh maanati hai ki raashtreeya aur kshetreeya sambhaavnaaon ko khangaalane ke liye shaanti bahut aavashyak hai. dwipaksheeya mudde ka hal nikaalne ke liye 'Teesare paksh ke hastakshep' ki sambhaavnaaon ke baare mein poochhane par baasit ne kaha ki America jaise desh hamesha Bhaarat aur Pakistan ko vaarta karne ke liye protsaahit karte hain lekin 'Antat: , donon deshon ko hi saath baith kar baatcheet karni hai. ' yeh poochhane par ki kaun se mudde mahatvapoorn hain. . Uchchaayukt ne kaha ki Jammu-Kashmir, siyaacheen, vyaapaar aur sanskruti sahit sabhi muddon par baatcheet ho sakti hai aur sabhi mahatvapoorn hain.

Vaarta Ke Liye Koi Poorv-shart Naheen Hai Pak Uchchaayukt https://www.angrejinews.com/pic/51112