Vaardabandi Maamale Mein Punjab Ne Diya Javaab

India »

Vaardabandi Maamale Mein Punjab Ne Diya Javaab

pras . Chandigarh : Akaali dal par panchaayat chunaav mein vaardabandi ka kaam niyamon ke khilaaf karne ka aarop lekar adaalat pahunchi Punjab Congress committee ki ek yaachika par Punjab sarkaar ne apna javaab diya hai. Unhonne kaha ki jo bhi vaardabandi ki gayi hai vah sahi aur uchit hai, kyonki gaanv mein makaanon ke number naheen hote, isliye ek makaan se doosare makaan ke aadhaar par votar list banaai gayi hai. Maamale ki sunaai ke dauraan Congress ke vakeel ne sarkaari javaab ko galat bataate hue kaha ki Loksabha aur vidhaanasabha ki votar list gaanv mein makaan number ke aadhaar par banaai gayi hai to panchaayat chunaav ki kyon naheen ban sakti. Kaaryavaahak cheef Justice jasabeer Singh ne Punjab pradesh Congress party se is maamale mein yaachika daayar karne par savaal uthaate hue kaha ki Punjab pradesh Congress party koi maanyata praapt dal naheen hai aur vah kis aadhaar par yah yaachika daayar kar rahe hain. Congress ke vakeel ne is maamale mein vistrut javaab dene ke liye samay ki maang ki jis par court ne 1 May tak ka samay dete hue maamale ki sunavaai sthagit kar di.

Vaardabandi Maamale Mein Punjab Ne Diya Javaab https://www.angrejinews.com/pic/6923