Vaadiya Samooh Ne Preeti Jinta Maamale Mein Andaravarld Se Dhamaki Milne Ki Shikaayat Darj Karaai

Breaking »

Vaadiya Samooh Ne Preeti Jinta Maamale Mein Andaravarld Se Dhamaki Milne Ki Shikaayat Darj Karaai

Nes vaadiya ki file tasveer Nes vaadiya ki file tasveer Mumbai: preeti jinta-nes vaadiya prakaran mein Budhvaar ko us samay ek naya mod aaya, jab vaadiya samooh ne police mein shikaayat darj karaai ki unhein phone par dhamakiyaan mili hain aur dhamaki bhara ek sandesh bhi aaya hai ki yadi abhinetri ko pareshaan kiya gaya to 'Unka kaarobaar mushkil mein pad sakta hai'. . . police upaayukt mahesh Patil ne kaha ki udyami nusli vaadiya ke ek sachiv ko ek vyakti ne khud ko gangster ravi pujaari bataate hue phone kiya. Sachiv ne mangalvaar ko enaem maarg police thaane mein shikaayat darj karaai. Patil ke anusaar nusli vaadiya ke sahayogi ke phone par gangster ki or se aae sandesh mein kaha gaya hai, "Preeti jinta ke aaspaas na mandaraao. Vaadiya ko mera sandesh de de. Varana, unka kaarobaar mushkil mein pad jaaega. " sachiv ka naam gupt rakha gaya hai. Haalaanki Patil ne yeh spasht naheen kiya hai ki jis phone par sandesh aaya hai, vah sachiv ka hai ya vaadiya parivaar ke kisi sadasya ka. shikaayat aparaadh shaakha ke paas bhej di gayi, taaki phone karne vaale vyakti ke ravi pujaari hone ki satyata ka pata chal paae aur yeh bhi maaloom ho paae ki phone kahaan se kiya gaya tha. Vaadiya parivaar pichhle kuchh dinon se sukhiryon mein hai. nusli ke bade bete nes vaadiya par unki poorv premika aur abhinetri preeti jinta ne aarop lagaaya hai ki vaadiya ne 30 May ko IPL cricket match ke dauraan preeti ke saath gaali-galauj aur durvyavahaar kiya. Nes ne is aarop ko khaarij kiya hai. marine drive police preeti ki shikaayat ke aadhaar par bhaarateeya dand sanhita ki vibhinn dhaaraaon ke tahat darj maamale ki jaanch kar rahi hai. Preeti ne guruvaar ko shikaayat darj karaai thi. Nes aur preeti ne kuchh saal pehle apne prem sambandh khatm kar diye the, lekin unhonne udyam saajhedaari jaari rakhi. Ye donon IPL team kings eleven Punjab ke sah maalik bane. Vaadiya samooh ke kisi bhi pravakta se dhamaki ke silsile mein tippani ke liye tatkaal sampark naheen ho saka.

Vaadiya Samooh Ne Preeti Jinta Maamale Mein Andaravarld Se Dhamaki Milne Ki Shikaayat Darj Karaai https://www.angrejinews.com/pic/54341