VVIP Helikauptar Haishke Ne Nasht Kiye The Dastaavej, Bhaarateeya Dal Aaj Hoga Ravaana

India »

VVIP Helikauptar  Haishke Ne Nasht Kiye The Dastaavej, Bhaarateeya Dal Aaj Hoga Ravaana

Nai Delhi: VVIP helikauptar sauda maamale mein naya khulaasa hua ki kathit bichauliya gaaido haishke ne is saude se jude sabhi dastaavejon ko apne computer se mita diya tha. Vaheen, rishvatakhori ke is maamale mein bhaarateeya dal aaj Italy ravaana hone ke liye taiyaar hai. Sootron ke mutaabik, is team mein CBI ke do log honge, jismein ek DIG leval ka adhikaari hoga aur ek law officer hoga. Iske alaava team mein raksha mantraalaya ke bhi kuchh log honge. Udhar, haishke ka durbhaagya hai ki usaki computer ke hard drive se dastaavej vaapas haasil kar liye gaye. Saath hi usane apni maan ke ghar par jo dastaavej chhipa rakhe the use bhi baraamad kar liya gaya. Itaalavi media ki report ke anusaar jaanchakartaaon ne uske computer drive mein mile dastaavejon ko 'Bhaanumati ka pitaara' karaar diya hai. Ismein usane Italy aur lugaano mein bhaarateeya madhyasthon se bheint, apne kaaryakram aur finmekanika sahit vibhinn antararaashtreeya len-den aadi ka byaura darj kiya hai. Itaalavi dainik 'Ripblika' ki report mein kaha gaya hai ki abhiyojak in dastaavejon ka istemaal Italy ki ek adaalat mein apna mukadama taiyaar karne ke liye kar rahe hain. Is maamale mein abhiyojan paksh kai aaropiyon ki javaabadehi tay karne par jor de raha hai. In aaropiyon mein finmekainika ke poorv pramukh gyoosep orsi shaamil hai. Un sab par aarop hai ki 3,600 karod rupaye ka karaar haasil karne ke liye 360 karod rupae ki rishvat di gayi hai.

VVIP Helikauptar Haishke Ne Nasht Kiye The Dastaavej, Bhaarateeya Dal Aaj Hoga Ravaana https://www.angrejinews.com/pic/2117