VVIP Helicopter Saude Mein Antony Ka Kadi Kaarravaai Ka Vaada

India » Wednesday, February 13, 2013

Nai Delhi: Raksha mantri AK Antony ne Budhvaar ko kaha ki yadi VVIP helicopter saude mein rishvat lena saabit ho jaata hai to kadi kaarravaai ki jaaegi. Idhar, VVIP helicopter saude mein ghotaale ki baat saamane aane ke baad Bhaarat ne company se nau heleekauptaron ki aapoorti ke saath hi baaki bache 2400 karod rupaye ke bhugataan par rok laga di. Yeh rok tab tak lagi rahegi jab tak CBI jaanch ke parinaam naheen aate. Bhaarat ko 12 heleekauptaron mein se teen helicopter pehle hi praapt ho chuke hain jiske liye 3600 karod rupaye ka sauda varsh 2010 mein hua tha. Agastaavestalaind se teen heleekauptaron ki aapoorti agale maheene hone waali thi jabki baaki chhah heleekauptaron ki aapoorti is varsh baad mein honi thi. Raksha mantraalaya sootron ne bataaya ki Bhaarat ne bhugataan ki jaane waali raashi mein se kareeb 30 pratishat ka bhugataan pehle hi kar diya hai lekin baaki 2400 karod rupaye ke bhugataan par CBI jaanch ke parinaam saamane aane tak rok lagi rah sakti hai. Doosari or, bhaarateeya vaayusena ke liye 12 heleekauptaron ke 75 karod dollar ke saude mein rishvat ke aarop saamane aane ke baad vipaksh is mudde ko sansad ke aagaami satr ke dauraan jorashor se uthaane ki taiyaari mein jut gaya hai. Antony ne kaha ki itaalavi adhikaariyon dvaara finmekenika company ke pramukh ko bhrashtaachaar ke aarop mein giraftaar kiye jaane ke baad keindreeya jaanch bureau (CBI) ko maamale ki jaanch sheegra poori karne ke liye kaha gaya hai. Antony ne kaha, "Humne CBI se is maamale ki jald se jald jaanch karne ke liye kaha hai. Main aapko aashvast kar sakta hoon ki CBI ki rapat milne ke baad ham is maamale mein kadi kaarravaai kareinge, jismein sauda radd karne se lekar companiyon ko kaali soochi mein daalna bhi shaamil hai. Lekin CBI ki report se pehle main kisi nateeje par naheen pahunchana chaahata. " Antony ne kaha ki yadi keindreeya jaanch bureau (CBI) ki report se iski pushti hoti hai ki vaayusena dvaara ati vishisht logon ke liye 12 agastaavestalaind helicopter khareedne ke liye kiye gaye 75 karod dollar ke saude mein dhaandhali hui hai to doshi vyaktiyon ke khilaaf 'Kadi kaarravaai' ki jaaegi. Antony ne kaha, "Ham har bindu ki gambheerta se jaanch kar rahe hain. Yadi samjhaute ki sharton ka ullanghan kiya gaya hai to ham kadi kaarravaai kareinge. Ham is baat ko lekar chintit naheen hain ki ve kaun hain ya kitne bade hain. " Raksha mantri ne is maamale mein tatkaaleen vaayusena pramukh SP tyaagi ki kathit sanliptata se sambandhit media rapaton ko najaraandaaj karne ka prayaas kiya. Tyaagi ke kaaryakaal mein hi agasta vestalaind saude se sambandhit baatcheet hui thi. Is par pratikriya vyakt karte hue tyaagi ne ek television channel se kaha, "Yeh mere liye hairaan karne waali baat hai aur mujhe lagta hai ki sabhi ko isse hairaani hui hai. Yeh poori vaayusena ke liye buri khabar hai. " Tyaagi ne kaha, "Aarop hai ki mainne agasta ke anukool aavashyakataaon mein badlaav ke liye rishvat li. Badlaav vaayu sena mukhyaalaya ne naheen kiye. Antim badlaav ko raksha mantri ne manjoori di. " unhonne kaha, "Vaayusena mukhyaalaya iski anushansa kar sakta hai. Lekin jahaan tak meri jaankaari hai, vaayusena mukhyaalaya ne kisi badlaav ki anushansa naheen ki. Main hairaan hoon. Is maamale mein mere paas koi jaankaari naheen hai. " Ek samaachaar-patra ki report mein kaha gaya hai ki tyaagi ke khilaaf aarop Italy mein abhiyojakon dvaara mangalvaar ko shuruaati jaanch report mein lagaae gaye hain. Congress ne CBI jaanch ka svaagat kiya hai. Party ke neta digvijya Singh ne kaha ki is saude par baatcheet jis samay shuroo hui thi us samay kendra mein bhaarateeya janta party (bhaajapa) neet sarkaar satta mein thi. Niyantrak evam mahaalekhaakaar ne saude ko sansaadhan ka durupayog kaha tha. Doosari or vipaksh is saude ki tulana bofors rishvat kaand ke saath kar rahi hai. Tatkaaleen pradhaanamantri Rajiv Gandhi ke shaasan kaal mein hue bofors top saude mein rishvat ke aaropon ke kaaran hi 1989 mein hue chunaav mein Congress ki paraajaya hui thi. Bhaajapa ne helicopter saude ki jaanch mein deri par bhi savaal khade kiye hain. Party ne kaha hai ki vah is mudde ko 21 February se shuroo hone ja rahe sansad ke bajat satr ke dauraan uthaaegi.