Uttaraakhand Sarkaar Mein Bhi Uthaapatak, Mukhyamantri Hareesh Raavat Ne Amruta Ko Kiya Mantrimandal Se Baahar

Breaking »

Uttaraakhand Sarkaar Mein Bhi Uthaapatak, Mukhyamantri Hareesh Raavat Ne Amruta Ko Kiya Mantrimandal Se Baahar

File photo File photo Deharaadoon: uttaraakhand ke mukhyamantri hareesh raavat ne ain Loksabha chunaav se pehle Congress chhodkar bhaajapa mein shaamil hue kaddaavar neta satapaal mahaaraaj ki patni amruta raavat ko aaj mantrimandal se padamukt kar diya. mukhya sachiv subhaash Kumar ne yahaan bataaya ki raajyapaal Dr. Ajeej kuraishi ne mukhyamantri ki salaah par amruta ko tatkaal prabhaav se uttaraakhand mantrimandal se padamukt kar diya hai. cabinet mantri amruta ke paas paryatan, sanskruti, teerthaatan prabandhan, mahila sashaktikran evam baal vikaas, vaikalpik oorja, baahya sahaayatit pariyojanaaen tatha yuva kalyaan vibhaag ki jimmedaari thi. Kumar ne bataaya ki raajyapaal ne mukhyamantri ki salaah par yeh bhi aadesh diya hai ki amruta ko aavantit vibhaag agrim aadeshon tak mukhyamantri ke paas raheinge. gaurtalab hai ki Loksabha chunaav mein raajya ki paanchon seaton par Congress ki haar ke baad amruta raavat ne hareesh raavat ka isteefa maang liya tha. Iske baad mukhyamantri ne unhein sarkaar se baahar kar diya. Unki jagah nirdaleeya vidhaayak dinesh dhanai ko mantri banaaya ja raha hai. raajya mein amruta raavat gut mein chaar-paanch vidhaayak gine jaate hain. Aaj ke faisale ke baad hareesh raavat sarkaar ko asthir karne ki koshishein aur tej hone ki sambhaavana hai.

Uttaraakhand Sarkaar Mein Bhi Uthaapatak, Mukhyamantri Hareesh Raavat Ne Amruta Ko Kiya Mantrimandal Se Baahar https://www.angrejinews.com/pic/51023