Uttaraakhand Sarkaar Bhi Khatre Mein

Breaking »

Uttaraakhand Sarkaar Bhi Khatre Mein

File photo File photo Deharaadoon: uttaraakhand ki raajya sarkaar par bhi sankat ke baadal mandaraate dikh rahe hain. Congress neta satapaal mahaaraaj ke BJP mein shaamil hone ke baad sameekaran badalate dikh rahe hain. Hareesh raavat ke mantrimandal mein shaamil satapaal maharaaj ki patni amruta raavat ne mukhyamantri ke isteefe ki maang ki hai. khabar hai ki Congress ke 12 vidhaayak aur kuchh nirdaleeya unke sampark mein hain. Aisi atkalon ke beech mukhyamantri hareesh raavat mantriyon ko aur jyaada vibhaag dene ke saath−saath kuchh aur vidhaayakon ko mantrimandal mein shaamil karne par vichaar kar rahe hain. is samay uttaraakhand mein Congress ke paas 33, BJP ke paas 30 aur BSP ke paas teen, uttaaraakhand kraanti dal ke paas ek aur teen nirdaleeya vidhaayak hain. Raajya mein sarkaar banaane ke liye 36 vidhaayakon ke samarthan ki jaroorat hoti hai aur BJP ko sarkaar banaane ke liye sirf chhah vidhaayakon ki jaroorat hogi. BJP ke 2 vidhaayak saansad ban gaye hain, unke isteefe hone par BJP ke paas 28 vidhaayak rah jaaenge. Bataaya ja raha hai ki satapaal maharaaj koshyaari ki jagah Rajyasabha mein jaana chaahate hain. is beech uttaraakhand BJP ke bade neta aaj Delhi mein hain aur ve haaikamaan ko vahaan ke haalaat ke baare mein bataaenge.

Uttaraakhand Sarkaar Bhi Khatre Mein https://www.angrejinews.com/pic/50932