Uttar Korea Ke Saath Vaarta Jaari Rakhega America Pompiyo

World »

Uttar Korea Ke Saath Vaarta Jaari Rakhega America Pompiyo

Washington Ameriki videsh mantri Mike pompiyo ne kaha hai ki Koreai praayadveep mein parmaanu nirstreekaran ke lakshya ko praapt karne ke liye America, uttar Korea ke saath baatcheet jaari rakhane ki disha mein kaam karta rahega. Is saptaah ki shuruaat mein uttar Korea dvaara ek nae saamarik nirdeshit hathiyaar ke pareekshan ke baad pompiyo ki yeh tippani saamane I hai. Samaachaar agency sinhuaa ke mutaabik, desh ke daure par aae varishth Japani adhikaariyon ke saath ameriki videsh vibhaag ke sanyukt samvaadadaata sammelan mein shukravaar ko America ke sheersh raajanayik ne kaha, 'Mujhe vishvaas hai ki hamaare paas abhi bhi us parinaam (parmaanu nirstreekaran) ko haasil karne ka ek vaastavik avsar hai aur hamaari raajanayik team aage bhi is maamale ko dekhti rahegi. ' Pompiyo ne uttar Korea ki us maang ko anadekha kar diya jismein usane vaarta ke liye unki jagah jyaada saavdhaan aur paripakva shakhs ko laane ki maang ki thi. Unhonne kaha, 'Kuchh bhi naheen badla hai. Ham baatcheet ke liye kaam karna jaari rakha hai. Main abhi bhi team ka prabhaari hoon. ' Uttar Korea ki sarkaari media Korean central news agency ne guruvaar ko bataaya tha ki desh ke sarvochch neta kim jong-un ki nigraani mein Budhvaar ko ek nae saamarik nirdeshit hathiyaar ka pareekshan kiya gaya.

Uttar Korea Ke Saath Vaarta Jaari Rakhega America Pompiyo https://www.angrejinews.com/pic/269167