Uttar Korea Ke Haalaat Par Bhaarat Ki Bhi Najar
Breaking » Tuesday, April 9, 2013
Ranjit Kumar . Nai Delhi naurth Korea ke parmaanu misaailon se hamla karne ki khuli dhamaki se paida tanaav ke beech bhaarateeya videsh mantraalaya ke aala adhikaari pyongayaang ke daure se laute hain aur vahaan ke taaja haalaat par apni report saunpi hai. Videsh sachiv ranjan mathaai ne bataaya ki Koreai ilaake mein viksit ho rahe haalaat par Bhaarat ki kadi najar hai. Bhaarat ne pehle hi naurth Korea ke misaail aur parmaanu hathiyaaron ke pareekshanon ki ninda ki hai. Naurth Korea aur dakshin Korea ke beech chal rahe tanaavon ke beech bhaarateeya videsh mantraalaya ke apne aala adhikaari ko pyongayaang bhejana dilchasp hai. Videsh mantraalaya mein poorv Asia divijn ke sanyukt sachiv Gautam banbaavaale ki aguvaai mein ek team ravivaar ko hi lauti hai aur vahaan ke haalaat par apni report saunpi hai. Thande rahe hain Korea se rishte naurth Korea aur Bhaarat ke beech raajanayik rishte kaafi thande rahe hain. Aise mein bhaarateeya raajanayik ko vahaan bhejane ke baare mein kai atkalein lagaai ja rahi hain. Vaastav mein jab bhaarateeya raajanayik team pyongayaang mein maujood thi, naurth Korea ne sabhi deshon ko chetaavani di thi ki ve pyongayaang mein apne dootaavaas ko band kar apne staaf ko vahaan se hata le. Haalaanki, chetaavani ko America, roos aur Europeeya deshon ke alaava Bhaarat ne bhi gambheerta se naheen liya hai.