Uttar Bhaarateeyon Ke Saath MNS Ne Ki Fir Gundaagardi

India »

Uttar Bhaarateeyon Ke Saath MNS Ne Ki Fir Gundaagardi

Mumbai. . Raaj Thackeray ki party MNS ne Maharashtra mein ek baar fir uttar bhaarateeya logon ke saath gundaagardi ki hai. Party kaaryakartaaon ne is baar pashchim Maharashtra ke sataara mein sainik school mein daakhile ke liye aae bachchon aur unke pairants ke saath maarapeet ki hai. MNS ki is gundaagardi par BJP naaraajagi jataai hai,to vaheen Maharashtra ki Congress sarkaar is baare mein kuchh naheen bol rahi hai. Uttar bhaarateeyon par Maharashtra navanirmaan sena ke kaaryakartaaon ke aise hamla koi nai baat naheen hain. Party kaaryakarta pehle bhi Bihar aur UP ke logon ko nishaana banaate rahe hain, lekin pehli baar un logon ne raajaneetik faayde ke liye chhote bachchon ko nishaana banaaya hai. Party kaaryakartaaon ka kehna hai ki Bihar aur UP ke log apne bachchon ka farji medical certificate banava lete hain aur iske jariye sainik school mein unhein aasaani se daakhila mil jaata hai. MNS ki gundaagardi ke baad uttar Bhaarat ke log apne bachchon ke saath school se baahar chale gaye. Is ghatna par BJP ne naaraajagi jataai hai aur kaha hai ki MNS ko Congress-enaseepi sarkaar paroksh samarthan mil raha hai. JDU ne bhi is ghatna ki ninda ki hai. Congress-enaseepi ki Maharashtra sarkaar ke tamaam daavon ke baad bhi raajya mein uttar bhaarateeya logon ke saath MNS kaaryakartaaon ki gundaagardi jaari hai. Paartiyaan sirf MNS ki ninda karke hi apna palla jhaad leti hain. Lekin MNS ko is tarah ki gundaagardi se kaise roka jaae, iske liye koi bhi party sajag naheen hai aur naheen iski chinta kar rahi hai. Aham savaal yah hai ki aakhir MNS ki gundaagardi kab rukegi

Uttar Bhaarateeyon Ke Saath MNS Ne Ki Fir Gundaagardi https://www.angrejinews.com/pic/3254