University Kainpas Mein No Tobaiko

India »

University Kainpas Mein No Tobaiko

vishesh samvaadadaata. Lucknow : Lucknow university prashaasan ne kainpas aur haustalon mein kisi bhi tarah ke tanbaakoo praudakt ke sevan par paabandi laga di hai. Agar koi vyakti kainpas mein gutakha ya sigret ke saath paaya gaya ko us par bhaari jurmaana lagaaya jaaega. Vishvavidyaalaya prashaasan ne is baabat sabhi vibhaagaadhyakshon ke alaava haustal prabandhakon ko nirdesh jaari kiye hain. Unhein university kainpas mein sigret aur tobaiko praudakts par sakhti se lagaam lagaane ka nirdesh diya gaya hai. Prauktar professor pavan Agrawal ne bataaya ki kainpas mein sigret peete ya tanbaakoo khaate pakade jaane par 200 rupaye jurmaana liya jaaega. Kainpas aur haustalon ke aaspaas tanbaakoo praudakts bechne ki manaahi kar di gayi hai. Is par bhi agar vahaan koi dukaan dikhaai padti hai to to unke khilaaf FIR darj karavaai jaayegi. Agrawal ne bataaya ki vishvavidyaalaya ke sabhi chhaatron aur karmachaariyon ko spasht shabdon mein bata diya gaya hai ki vah kainpas mein sigret ya beedi na piyen. Iske baad bhi agar koi is nirdesh ka ullanghan karta hai to us par kaanooni kaarravaai ki ki ja sakti hai. Unhonne bataaya yah niyam tatkaal prabhaav se laagoo kar diya gaya hai. Tanbaakoo ka sevan karte kisi ko dekhe jaane par tatkaal kul sachiv ke daftar mein shikaayat ki ja sakti hai. Unhonne bataaya ki yahi vyavastha new kainpas mein bhi laagoo hogi.

University Kainpas Mein No Tobaiko https://www.angrejinews.com/pic/5300