Uchit Khaadya Prabandhan Se Mudraasfeeti Kam Karne Mein Madad Milegi Raajan

Breaking »

Uchit Khaadya Prabandhan Se Mudraasfeeti Kam Karne Mein Madad Milegi  Raajan

File photo File photo Mumbai: bhaarateeya reserve bank ne mangalvaar ko kaha ki vah mudraasfeeti par najar rakhe hue hai aur use ummeed hai ki uchit khaadya prabandhan se khaadya keematon mein kami mein madad milegi. RBI ke Governor raghuraam raajan ne kaha 'Ham mudraasfeeti par nigaah rakhe hue hain. Pichhle kuchh maheenon mein mudraasfeeti par khaadya keematon ka asar raha hai. ' unhonne kaha ki sarkaar dvaara uchit khaadya prabandhan se khaadya keematein kam ho sakti hain. mukhya mudraasfeeti May mein paanch maheene ke uchchatam star 6.01 pratishat par aa gayi jo pichhle maheene 5.2 pratishat thi. Aisa mukhya taur par khaadya evam indhan mudraasfeeti ke kaaran hua. unhonne yahaan SBI ke ek samaaroh ke mauke par samvaadadaataaon se kaha 'Lekin sarkaar aur RBI donon ki is par najar hai aur unhein is sambandh mein chaukas rahana hoga. ' maujooda Iraq sankat ke baare mein raajan ne kaha ki yeh chinta ka vishay hai. Is sankat ke kaaran vaishvik star par kachche tel ki keemat prabhaavit hui hai aur rupaye par bhi asar hua hai. RBI ke Governor ne kaha 'Iraq ke maamale mein abhi bhi anishchitta bani hui hai. Is maamale par hamaari najar hai aur nishchit taur par sabhi ko Iraq sangharsh ke baare mein chintit hona chaahiye. ' haalaanki unhonne kaha ki tel sansaadhan dakshini Iraq mein hain isliye ye sangharsh se seedhe taur par prabhaavit naheen hue hain.

Uchit Khaadya Prabandhan Se Mudraasfeeti Kam Karne Mein Madad Milegi Raajan https://www.angrejinews.com/pic/54196