Uchaana Mein Mahila Se Gang-rape, 3 Ke Khilaaf Maamala Darj

India »

Uchaana Mein Mahila Se Gang-rape, 3 Ke Khilaaf Maamala Darj

ek samvaadadaata . Jeend gaanv safa khedi-taarakha link maarg par somvaar der shaam kheton mein bane ek kamre mein 3 yuvakon ne kathit roop se ek mahila ke saath gang-rape kiya. Rohtak nivaasi mahila ne police mein di shikaayat mein bataaya ki yuvakon ne dhokhe se kheton mein le jaakar vaaradaat ko anjaam diya. Is maamale mein police ne doomarakhaan khurd nivaasi sumit aur dinesh ko naamajad karte hue 3 yuvakon par maamala darj kiya hai. Mahila ne bataaya ki vah Rohtak mein aapasi jhagadon ko sulajhaane ke liye office khole hue hai. Is beech doomarakhaan khurd nivaasi sumit uske paas aaya aur bataaya ki usaki bahan va uske sasuraal vaalon ke beech aksar jhagada hota hai. Vah iska samaadhaan karavaana chaahata hai. Sumit ne mahila ko somvaar ko naravaana bulaaya, jahaan se use safa khedi la gaya. Yahaan se sumit apne 2 saathiyon sahit use baaik se khet mein bane kamre par le gaya. Sumit ne mahila ko bataaya tha ki vahaan uske maata-pita hain, jisse baatcheet karavaani hai. Kamre par pahunchane par teenon yuvakon ne baari-baari se uske saath balaatkaar kiya. Mahila aaropiyon ke changul se chhootakar taarakhaan gaanv pahunchi aur ghatna ki jaankaari police ko di. Thaana prabhaari rohataash Singh dhul ne bataaya ki teenon yuvakon ke khilaaf maamala darj kar liya gaya hai. Yuvakon ki giraftaari ke liye chhaapemaari ki ja rahi hai

Uchaana Mein Mahila Se Gang-rape, 3 Ke Khilaaf Maamala Darj https://www.angrejinews.com/pic/3602