Uber Cup Semifinal Mein Pahuncha Bhaarat, Racha Itihaas

Breaking »

Uber Cup  Semifinal Mein Pahuncha Bhaarat, Racha Itihaas

Nai Delhi: bhaarateeya mahila badminton team ne guruvaar ko itihaas rachate hue pehli baar uber cup ke semifinal mein pravesh kar kaansya padak pakka kar liya. desh mein pehli baar ho rahe team badminton ke vishv cup ke roop mein jaane jaane vaale uber cup ke quarter final mukaabale mein guruvaar ko bhaarateeya team ne siri fort sports kaanpleks mein Indonesia ko 3-0 se maat dekar semifinal mein pravesh kiya. ekal varg mein aathaveen vishv vareeyata praapt Saina Nehwal ke netrutv mein bhaarateeya team ne shuruaati teenon maichon par kabja kar liya, aur ab semifinal mukaabale mein shukravaar ko unka saamana Japan se hoga. yugal varg ke pehle aur kul teesare match mein jvaala gutta aur ashvini ponappa ki jodi ne naunvi vishv vareeyata praapt gresiya poli aur nitya krishinda maaheshvari ko jodi ko 21-18, 21-18 se haraakar bhaarateeya team ko semifinal mein pahuncha diya. isse pehle Saina aur PV sindhu ne ekal varg ke apne-apne maichon mein jeet darj kar bhaarateeya team ko 2-0 ki badhat dilaai thi. pehle ekal mukaabale mein Saina ne 23veen vishv vareeyata praapt lindaaveni faanetri ko aasaan mukaabale mein 21-17, 21-10 se maat de di. Is jeet ke saath Bhaarat ne Indonesia par 1-0 ki badhat haasil kar li. iske baad hue doosare ekal match mein vishv championship mein kaansya padak vijeta sindhu ne belaatriks manuputti ko sangharshapoorn mukaabale mein 21-16, 10-21, 25-23 se maat dekar bhaarateeya team ki Indonesia par badhat 2-0 kar di.

Uber Cup Semifinal Mein Pahuncha Bhaarat, Racha Itihaas https://www.angrejinews.com/pic/51417