Uber Cup Kashyap, Saina Ko Bhaarateeya Team Ki Kamaan

Breaking »

Uber Cup  Kashyap, Saina Ko Bhaarateeya Team Ki Kamaan

Nai Delhi: bhaarateeya badminton ke itihaas mein us samay naya adhyaaya jud jaaega, jab seeri fort sports complex mein Bhaarat 28vein Thomas aur 25vein uber cup ki mejabaani ravivaar se karega. Yeh pratiyogita 25 May tak chalegi. is dauraan solah deshon ke sheersh khilaadi in pratiyogitaaon mein hissa leinge. Thomas cup purushon aur uber cup mahilaaon ki badminton vishv championship spardha hai. bhaarateeya purush team ki kaptaani paarupalli kashyap ko aur mahila team ki kaptaani Saina Nehwal ko saunpi gayi hai. ab tak haalaanki Bhaarat ekal varg mein hi apni dhaak kaayam rakh saka hai, jabki yugal varg mein use hamesha kathin chunautiyon ka saamana karna pada hai. Bhaarateeya badminton purush team ab tak Thomas cup ke mukhya spardha mein aath baar pravesh karne mein safal rahi hai. uber cup mein haalaanki desh ka pradarshan achha naheen raha hai, tatha 1957 se uber cup shuroo hone se lekar ab tak Bhaarat sirf teen baar mukhya spardha tak pahunch saka hai. is baar haalaanki uber cup mein desh ki sambhaavnaaen kaafi prabal najar aa rahi hain. Sheersh badminton star Saina Nehwal ke netrutv mein vishv championship mein kaansya padak vijeta pi. Vi. Sindhu aur raashtramandal mein mahila yugal varg ki svarn padak vijeta jvaala gutta aur ashvini ponappa ki jodi se desh ko kaafi ummeedein hain. Thomas cup mein hissa le rahi paarupalli kashyap ke netrutv waali bhaarateeya purush team ke liye haalaanki raah itni aasaan naheen hogi. Kashyap ke alaava raashtreeya champion kidaanbi shreekaant se ekal varg mein jaroor kuchh ummeedein hain, lekin yugal varg mein unke saamane Korea ke sheersh khilaadiyon ki kathin chunauti hogi. Malaysia bhi is pratiyogita mein kadi takkar de sakta hai. Saal 2008 aur 2010 mein maleshiyaai team teesare sthaan par rahi thi. doosari taraf cheen khitaab ka sabse bada daavedaar maana ja raha hai. Aakhiri ke paanch lagaataar Thomas cup sahit cheen ne ab tak nau baar yeh khitaab jeeta hai. vaheen Indonesia ne bhi sabse jyaada 13 baar is khitaab par apna kabja jamaaya hai. Haalanki aakhiri baar Indonesia ne 2002 mein Thomas cup jeeta tha lekin iske baavajood team ko halke mein naheen liya ja sakta. Indonesia apne abhiyaan ki shuruaat somvaar ko Singapore ke khilaaf karega.

Uber Cup Kashyap, Saina Ko Bhaarateeya Team Ki Kamaan https://www.angrejinews.com/pic/50880