Uber Cup Japan Se Haarakar Bhaarat Ko Kaansya Padak

Breaking »

Uber Cup  Japan Se Haarakar Bhaarat Ko Kaansya Padak

Nai Delhi: sheersh khilaadi saaina Nehwal aur pi vi sindhu ne vipreet paristhitiyon mein jeet darj ki, lekin bhaarateeya mahila team ko fir bhi kaansya padak se santosh karna pada, kyonki unhein aaj yahaan paanch baar ki champion Japan se uber cup badminton tournament ke pehle semifinal mein 2-3 se shikast jhelni padi. saaina aur sindhu ne pehle do ekal jeetkar Bhaarat ko Japan par 2-0 se badhat dila di thi, lekin team teesara ekal aur do yugal match jeetne mein asafal rahi jisse unki ummeedein toot gayi. olanpik kaansya padak vijeta saaina ne Bhaarat ko sakaaraatmak shuruaat di. Unhonne vishv mein 12vein nabar ki minaatsu mitaani ke khilaaf dabadaba banaakar keval 41 minute mein 21-12, 21-13 se jeet darj ki. vishv championship mein kaansya padak vijeta sindhu ne vishv mein number 13 sayaaka takaahaashi ki kadi chunauti ka saamana karna pada, lekin aakhir mein vah 19-21, 21-18, 26-24 se jeet darj karne mein safal rahi. vaheen misaaki maatsutomo aur ayaaka taakaahaashi ki duniya ki chauthe number ki jodi ne raashtramandal khelon ki svarn padakadhaari jvaala gutta aur ashvini ponappa par 21-12, 20-22, 21-16 se jeet darj ki. Isse Japan ne vaapasi ki. iske baad PC tulasi ne poori koshish ki, lekin vah 2011 ol England championship ki upavijeta aur duniya ki 16vein number ki khilaadi eriko hirose teesare ekal mein 14-21, 15-21 se haar gayi. Isse Japan 2-2 se baraabari par pahunch gaya. Saaina aur sindhu ki gair anubhavi yugal jodi doosari baar yugal mukaabala khel rahi thi, unhein miyuki maaeda aur reka kaakeeva ki duniya ki paanchavein number ki jodi se 14-21, 11-21 se haar mili. Japan ki team ab kal final mein cheen se bhidegi. Cheen ne doosare semifinal mein Korea ko 3-0 se paraajit kiya.

Uber Cup Japan Se Haarakar Bhaarat Ko Kaansya Padak https://www.angrejinews.com/pic/51539