UPA Satta Chhode TMC

India » Saturday, March 30, 2013

Kolkata/ Delhi. . UPA ki poorv sahayogi Trinamool Congress ne shukravaar ko yah kehte hue Manmohan Singh sarkaar se tatkaal tyaagapatr dene ki maang ki ki vah sansad mein alpamat mein hai aur use satta mein rahane ka koi naitik adhikaar naheen hai. Trinamool Congress ke raashtreeya mahaasachiv mukul rai ne kaha, 'Manmohan Singh ki sarkaar alpamat mein aa gayi hai. Ve nanbaron ke khel ka istemaal karke satta mein bane rah sakte hain. Lekin is sarkaar ko satta mein ek pal bhi bane rahane ka koi naitik adhikaar naheen hai. Ham chaahate hain ki yah sarkaar turant isteefa day. 'Congress ne thukaraaya Congress ne sarkaar ke tatkaal isteefe ki Trinamool Congress ki maang ko drudhta se thukara diya aur kaha ki sarkaar apna kaaryakaal poora karegi. Congress mein pashchim Bengal maamalon ke prabhaari shakeel Ahmad ne nai Delhi mein kaha, 'Trinamool Congress jo kah rahi hai usamein kuchh naya naheen hai. Chhah maheena pehle jab usane UPA se samarthan vaapas liya, to vah chaahati thi ki sarkaar jaae.