UPA Ki Cheen Neeti Par BJP Ka Hamla

Breaking »

UPA Ki Cheen Neeti Par BJP Ka Hamla

Shreenagar. . BJP ka kehna hai ki keind sarkaar ki cheen neeti par jo bhram ki sthiti bani hui hai vah bilkul bhi sveekaar karne laayak naheen hai aur pradhaanamantri Manmohan Singh ko is maamale par safaai deni chaahiye. BJP pravakta prakaash jaavadekar ne riportaron se kaha ki videsh mantri Salman khursheed jahaan cheen ke baare mein kuchh aur kehte hain vahi raksha mantri A. Ke. Antony ke vichaar is baare mein kuchh alag hi hain. Yah UPA ka haulamaark hai. Bhram ki sthiti hairat mein daalne waali hai. Jaavadekar ne kaha, yah bilkul asveekaarya hai aur khaastaur par cheen jaise vishay par, jo ki na sirf samvedansheel balki saamarik taur par kaafi aham hai. Unhonne yah bhi kaha ki UPA sarkaar ki videsh neeti doshapoorn hai aur isse Bhaarat ko nuksaan ho raha hai. Jaavadekar ne kaha, ham cheen ke saath achhe rishte chaahate hain par UPA ki videsh neeti doshapoorn hai. Logon ko jaanana chaahiye ki Bhaarat ne cheen ke saath kaun sa samjhauta kiya hai. Pradhaanamantri ko is par baat karni chaahiye. Alag-alag disha mein jaane se desh ko nuksaan ho raha hai. Cheen se nipatne ke liye desh ke paas ek yojana ek parikalpana honi chaahiye.

UPA Ki Cheen Neeti Par BJP Ka Hamla https://www.angrejinews.com/pic/8412