UPA Ke Daur Mein Bhaarat Ki Saakh Ghati BJP

Breaking »

UPA Ke Daur Mein Bhaarat Ki Saakh Ghati  BJP

vishesh samvaadadaata . . Nai Delhi Pakistani jail mein bhaarateeya kaidi sarabajeet Singh par hue hamle ko behad dukhad bataate hue BJP ne kaha hai ki is hamle se saaf ho gaya hai ki UPA sarkaar ke kaaryakaal mein Bhaarat ki saakh lagaataar kam hoti ja rahi hai. Party ne kaha hai ki sarabajeet ke maamale mein naakaami bhaarateeya kootaneeti aur videsh neeti ke dhvast hone ka sanket hai. BJP pravakta sudhaanshu trivedi ne kaha ki sarabajeet par hamle ki pehle se hi aashanka thi. Na sirf sarabajeet ke parivaar ne balki khufiya agencyon ne bhi sarkaar ko yah jaankaari day di thi lekin iske baavajood sarkaar haath par haath dhare baithi rahi aur sarabajeet par hamla ho gaya. Ab vah coma mein hain aur kamobesh Bhaarat ki videsh neeti ki bhi haalat yahi hai ki vah bhi coma mein ja rahi hai. Unhonne kaha ki Bhaarat ki kootaneeti ka rutaba poori tarah se khatm ho chuka hai. Ise sirf ek bhaarateeya par hamle ki ghatna ke roop mein naheen balki samagr najariye se dekha jaana chaahiye. Iski vajah yah hai ki is ghatna se saaf ho gaya hai ki bhaarateeya videsh neeti lagbhag dhvast ho chuki hai. Iska saboot yah bhi hai ki Pak sainik bhaarateeya seema mein ghuskar bhaarateeya sainikon ke sir kaat le jaate hain aur cheen jaisa desh bhaarateeya seema mein ghuspaith kar deta hai.

UPA Ke Daur Mein Bhaarat Ki Saakh Ghati BJP https://www.angrejinews.com/pic/6948