UP Police Ki Kartoot, Rape Peedit Bachchi Ko Havaalaat Mein Daala

Breaking »

UP Police Ki Kartoot, Rape Peedit Bachchi Ko Havaalaat Mein Daala

Indrapaal kaushik bulandashahar. . Apni ajeebo-gareeb harkaton ke liye pahachaani jaane waali UP police ki ek aur sharmanaak kartoot saamane I hai. Bulandashahar mein 10 saal ki rape viktim bachchi ki report darj karke aaropi ko arest karna to door, policewaalon ne us maasoom ko hi havaalaat mein band kar diya. Ghatna nagar kotavaali ki hai. Meerapur mein rahane waali 10 saal ki dalit bachchi ravivaar shaam shauch ke liye kheton mein gayi thi. Aarop hai ki gaanv ke ek danbag ne gan point par use kidnap kar liya. Raat bhar vah bachchi ka yaun shoshan karta raha. Somvaar subah bachchi badahavaas apne ghar pahunchi. Ladki ki haalat dekhkar gaanv vaale peedita ke ghar par ikatthe hone lage. Gaanv vaalon ne police ko khabar di, lekin police mauke par naheen pahunchi. Gussaae logon ne police ke khilaaf naarebaaji bhi ki. Jab bachchi ki haalat kharaab hone lagi to majabooran usaki maan use lekar nagar kotavaali pahunchi. Bachchi ne thaane mein aapabeeti sunaai, lekin police ne usaki maan ko vahaan se bhagaakar is bachchi ko havaalaat mein daal diya. Jab is maamale ki khabar logon ko hui to police baukhala gayi. Yahaan tak ki mediakarmiyon se bhi badasalooki ki gayi. Is baare mein jab SSP gulaab Singh se baat ki gayi to unhonne maana ki maamala sangeen hai aur viktim ko kisi bhi sthiti mein havaalaat mein band naheen kiya ja sakta. Unhonne kaha ki jis kisi policekarmi ne yah sharmanaak harkat ki hai, uske khilaaf sakht aikshan liya jaaega. Iske baad police ne rape ka maamala darj karke bachchi ko medical ke liye hauspitl bheja.

UP Police Ki Kartoot, Rape Peedit Bachchi Ko Havaalaat Mein Daala https://www.angrejinews.com/pic/4868