UP Police Ke 2 Javaanon Ne Aapas Mein Bhaanji Laathiyaan

Breaking »

UP Police Ke 2 Javaanon Ne Aapas Mein Bhaanji Laathiyaan

PTI. Lucknow : Sadak par policekarmiyon ko pradarshanakaariyon par laathiyaan bhaanjate to aapne khoob dekha hoga, lekin uttar pradesh ke mukhyamantri Akhilesh Yadav ki suraksha mein tainaat 2 policekarmi Budhvaar ko aapas mein hi bhid gaye. Unhonne jamkar laathiyaan bhaanjate hue ek doosare ko lahooluhaan kar daala. Donon javaanon ko giraftaar kar liya gaya hai. Police mahaanireekshak (kaanoon-vyavastha) aar. Ke. Vishvakarma ne bataaya ki indira Gandhi pratishthaan mein Budhvaar ko hue uttar pradesh udyami mahaasammelan mein mukhyamantri Akhilesh Yadav jaise hi kaaryakram sthal se vaapas laute ki vahaan CM ki security mein tainaat PAC ki dasveen vaahini ke head constable mukund Yadav aur constable suneel Dixit aapas mein kisi vivaad par bhid gaye. Unhonne bataaya ki donon javaanon ne ek doosare par jamkar laathiyaan chalaai, jisse donon hi lahooluhaan ho gaye. Donon ko najadeeki aspataal mein ilaaj ke liye le jaaya gaya. Vishvakarma ne bataaya ki Lucknow police ne donon PAC javaanon ko giraftaar kar liya hai. Anushaasanaheenata kisi bhi keemat par bardaasht naheen ki jaaegi. Is maamale mein dasveen vaahini PAC ke senaanaayak ko report bhej di gayi hai. Vibhaageeya jaanch ke baad donon javaanon ko seva se barkhaast bhi kiya ja sakta hai.

UP Police Ke 2 Javaanon Ne Aapas Mein Bhaanji Laathiyaan https://www.angrejinews.com/pic/9413