UP Mein SP Ki Niklegi Arthi Beni

Breaking »

UP Mein SP Ki Niklegi Arthi Beni

Lucknow. . Kendra ki raajaneeti mein Congress aur samaajavaadi party (SP) ke beech chal rahe tanaatani ke beech keindreeya ispaat mantri beni prasaad varma ne ek baar fir vivaadaaspad bayaan day diya hai. Is baar beni babu ne Loksabha chunaav mein SP ke safaae ki bhavishyavaani kar di hai. Unhonne kaha hai ki is baar UP mein SP ko sirf 4 seatein mileingi. Yahi 4 saansad party ki arthi ko kandha deinge. Beni ke is bayaan par SP ka kehna hai ki unka maanasik santulan bigad gaya. Kabhi mulaayam Singh ke dost rahe beni ne ek baar fir apne chir-parichit andaaj mein samaajavaadi party par nishaana saadha hai. Is baar beni babu balaraamapur mein Loksabha chunaavon ki bhavishyavaani kar rahe the. Agar beni babu ki bhavishyavaani par najar daaleinge to aap bhi dang rah jaaenge. Beni prasaad varma ne kaha ki UP mein Congress sabhi 80 seaton par ladegi. Unhonne kaha ki 80 mein se 40 seaton par Congress ko jeet milegi. BJP ko 10 se jyaada seatein naheen lene deinge. Bahanaji (maayaavati) 36 seaton par jeeteingi. Unhonne kaha ki samaajavaadi party sirf 4 seatein jeet paaegi. Ye 4 saansad party ki arthi ko kandha deinge. Beni babu ke bayaan par SP neta Ram aasare Kushwaha ne kaha hai ki unka maanasik santulan bigad gaya hai. Durbhaagya hai ki kendra sarkaar mein aise vyakti ko mantri bana huaa hai. Beni ko tatkaal barkhaast kiya jaana chaahiye. Iske pehle beni prasaad varma ki bayaanbaaji se tang aae mulaayam Singh Yadav ne kaha ki beni baar-baar kehte rahate hain ki Rahul Gandhi pradhaamanantri baneinge, are Rahul pradhaanamantri honge ya naheen yah to Congress hi tay karegi. Unhonne beni par hamla karte hue kaha ki jo vyakti apne ladke ki jamaanat naheen bacha paaya vah Rahul Gandhi ko pradhaanamantri banava raha hai. Sabse majedaar baat hai ki beni babu ne UP ki 80 Loksabha seaton mein se 40 Congress ko, 10 BJP ko 36 BSP ko aur 4 SP ko day di. Yaani unhonne seaton ki sankhya 90 tak pahuncha di hai. Ye 10 jo jyaada seatein hain vah kahaan se aaengi iske baare mein beni babu ne kuchh naheen kaha.

UP Mein SP Ki Niklegi Arthi Beni https://www.angrejinews.com/pic/3861