UP Mein Rape Ke Maamalon Par Mulaayam Ka Bayaan, 'Aap Apna Kaam Keejiye, Hamein Apna Kaam Karne Dein

Breaking »

UP Mein Rape Ke Maamalon Par Mulaayam Ka Bayaan, 'Aap Apna Kaam Keejiye, Hamein Apna Kaam Karne Dein

Mulaayam Singh Yadav ki file tasveer Mulaayam Singh Yadav ki file tasveer Nai Delhi: badaayoon mein saamoohik balaatkaar aur hatya ke maamale par chautarafa hamlon ke beech samaajavaadi party (sapa) ke netaaon ne media par nishaana saadha aur ajeebogareeb daleelein pesh karte hue kaha ki kabhi-kabhi jab ladkiyon aur ladkon ke beech sambandh saamane aa jaate hain, tab ise 'Balaatkaar ka naam de diya' jaata hai. sapa supreemo mulaayam Singh Yadav ne badaayoon mein do ladkiyon ke saath saamoohik balaatkaar aur hatya ke maamale par media mein ho rahi coverage ko lekar apni naakhushi chhipaai naheen aur patrakaaron se kaha, aap apna kaam keejiye aur hamein apna kaam karne deejiye. sapa ke varishth neta raamagopaal Yadav ne is tarah ke aparaadhon ke liye TV channelon ko jimmedaar thaharaate hue kaha ki ve nagnata aur hinsa dikha rahe hain. Raamagopaal Yadav ne media par nishaana saadhate hue kaha ki is tarah ke maamale Rajasthan, madhya pradesh aur Maharashtra mein bhi ho rahe hain, lekin unako naheen dikhaaya ja raha hai. vaheen, badaayoon ki ghatna ko lekar bhaari aalochna ka saamana kar rahe uttar pradesh ke mukhyamantri Akhilesh Yadav ne kaha ki Google sarch se pata chal jaaega ki is tarah ki ghatnaaen poore desh mein ho rahi hain. Unhonne media par aarop lagaaya ki vah unke raajya mein ho rahi ghatnaaon ko lekar khel raha hai. udhar, kendra ne uttar pradesh mein balaatkaar aur hatya ki ghatnaaon ko lekar chinta jataai aur Akhilesh sarkaar se kaha ki vah kaanoon-vyavastha ki sthiti sudhaarane ke liye teji se kaarravaai kare. gruh raajya mantri kirn rijiju ne uttar pradesh ke mukhyamantri ke us bayaan ki aalochna ki, jismein aarop lagaaya gaya hai ki media uttar pradesh mein ho rahe aise maamalon ko utha raha hai, lekin anya raajyon mein ho rahe aise hi maamalon ki anadekhi kar raha hai. Unhonne Akhilesh ko salaah di ki is tarah ki sharmanaak ghatnaaon ko unki sankhya ke aadhaar par naheen dekha jaana chaahiye. UP mein balaatkaar aur hatya ki vaaradaat badhne ke beech BJP saansad aur poorv gruh sachiv RK Singh ne kaha ki raashtrapati shaasan lagaane ke liye uttar pradesh 'Fit case' hai.

UP Mein Rape Ke Maamalon Par Mulaayam Ka Bayaan, 'Aap Apna Kaam Keejiye, Hamein Apna Kaam Karne Dein https://www.angrejinews.com/pic/52786