UP Mein Rahul Ka Model Fail, Sangathan Mein Ferabadal Sambhav

Breaking »

UP Mein Rahul Ka Model Fail, Sangathan Mein Ferabadal Sambhav

Vishesh samvaadadaata. Nai Delhi uttar pradesh ko apni prayogashaala maanane vaale Rahul Gandhi aagaami Loksabha chunaavon ke maddenajar raajya mein kiye apne hi prayog se santusht naheen hain. Aise mein unhonne ise khatm karne ka faisala kiya hai. Daraasal, aagaami Loksabha chunaavon ko dekhte hue Rahul Gandhi ne uttar pradesh ko vibhinn jonon mein baantane ka faisala kiya tha. Is vyavastha ki asafalata ko dekhkar ab Rahul ne ise khatm karne ka faisala kiya hai. Aise mein pradesh Congress sangathan mein bade paimaane par ferabadal ki sambhaavana bhi jataai ja rahi hai. Gaurtalab hai ki Rahul ki yojana thi ki is vyavastha ke aadhaar par hi aane vaale samay mein poore desh ko jonal system mein baanta jaae. Lekin UP mein is system ki naakaami ko dekhte hue maana ja raha hai ki Rahul ki raashtreeya yojana bhi naakaam rahegi. Ise bada jhatka maana ja raha hai. Gaurtalab hai ki UP mein is vyavastha ke tahat Rahul ne poore raajya ko aath jonon mein baanta tha aur har jon jimmedaari raajya ka ek bade neta ko saunpi gayi thi. Har jonal head ko apne ilaake mein kaam karke chhah maheene mein apni report saunpani thi. Lekin chhah maheene ka samay beetane ke baad bhi jyaadaatar inchaarj neapani report vakt par naheen saunpi. Khabar yah bhi hai ki inmein se jyaadaatar inchaarjon ne apne ilaake ka dhang se daura tak naheen kiya. Sootron ke mutaabik, kaam mein ho rahi dheel se khinn Rahul ne ab is vyavastha ko hi badalne ka faisala kiya hai. Maje ki baat hai ki is vyavastha mein sabhi jonal head ki javaabadehi seedhe raajya ke prabhaari aur Rahul Gandhi ke prati thi. Ismein pradesh adhyaksh kaheen loop mein naheen hota tha. Lekin nai vyavastha mein pradesh adhyaksh ko jyaada adhikaar dene ki baat kaheen ja rahi hai. Saath hi, raajya ke 50 feesadi se jyaada jila va blauk pramukhon ko bhi badalne ki charcha hai. Maana ja raha hai ki yah badlaav aagaami 30 April tak poora kar liya jaaega.

UP Mein Rahul Ka Model Fail, Sangathan Mein Ferabadal Sambhav https://www.angrejinews.com/pic/5272