UP Mein Mahilaaon Ka Utpeedn Chintaajanak Aaraeladi

Breaking »

UP Mein Mahilaaon Ka Utpeedn Chintaajanak  Aaraeladi

IANS . Lucknow raashtreeya lokadal (aaraeladi) ki UP ikaai ne raajya mein mahila utpeedn ki badh rahi vaaradaaton par chinta jataate hue somvaar ko kaha ki aise maamalon mein police jis tareeke se kaam kar rahi hai, vah kaafi dukhad hai. Aaraeladi ke pradesh adhyaksh munna Singh chauhaan ne pradesh sarkaar ki bhartsana karte hue somvaar ko kaha ki bulandashahar mein 10 saal ki rape peedit ladki ko havaalaat mein rakhana aur rajdhani mein do yuvatiyon ke saath gang-rape ke maamale mein police ki kaaryashaili nindaneeya thi. Unhonne kaha ki pradesh mein araajakata ka maahaul hai. Police aur prashaasanik adhikaari nirankush ho gaye hain aur aise mein janasaamaanya ka utpeedn badha hai. Vigat dinon mujaffaranagar mein ladkiyon par tejaab feinkane ki ghatnaaen huin. Jo khabarein media mein aati hain, un par kaarravaai hoti hai, baaki maamale dabe rah jaate hain. Chauhaan ne kaha ki desh ke sarvochch nyaayaalaya ki or se pradesh ki kaanoon-vyavastha par naaraajagi jataaya jaana pradesh sarkaar ko kataghare mein khada karne jaisa hai. Aise mein naitikta ke aadhaar par pradesh ke mukhyamantri ko isteefa day dena chaahiye. Chauhaan ne kaha ki samaajavaad ka dhong rachaane vaale lagaataar naitik moolyon ki hatya kar rahe hain, jiska javaab janta Loksabha chunaav mein degi.

UP Mein Mahilaaon Ka Utpeedn Chintaajanak Aaraeladi https://www.angrejinews.com/pic/5657