UP Mein Holi Par Huddang Karne Vaale Policekarmi Suspend

Breaking »

UP Mein Holi Par Huddang Karne Vaale Policekarmi Suspend

Mujaffaranagar. . Mujafparanagar mein holi par sharaab peekar thaane mein huddang machaane vaale 10 sipaahiyon ko SSP ne suspend aur esao civil line ko line haajir kar diya. Ek saath itni badi kaarravaai se mahakame mein hadkanp mach gaya hai. Muraadaabaad mein bhi holi par huddang machaane vaale 2 sipaahiyon ko suspend kar diya gaya hai. Holi par sharaab peekar ashalli dance aur hullad karne vaale sipaahiyon par aakhirkaar gaaj gir hi gayi. Guruvaar ko holi ke din civil line thaane mein sipaahi ashok, atul, alataaf, charan Singh, rahatoolaal, babaloo, taaraachand, amit Kumar, raamagopaal va avaneesh aadi holi ke hudndag mein maryaadaaen laangh gaye the. Sabhi policekarmiyon ne thaane mein hi jamkar sharaab pi. Iske baad ardhanagn haalat mein thaane mein DJ lagaakar ashleel dance bhi kiya. Kheenchtaan mein kai policekarmiyon ke kapde bhi fat gaye. Kaafi der tak yah najaara chalta raha. Mediakarmiyon ne in najaaron ko kaimaron mein kaid kar liya. Isi beech soochana paakar vahaan pahunche ek adhikaari ne ukt logon ko baamushkil roka. Maamala saarvajanik hote hi SSP manjil saini ne aanan-faanan mein 10 sipaahiyon ko suspend karne ke saath-saath esao civil line kamal Yadav ko line haajir kar diya. Muraadaabaad ke budh baajaar chauki ka yahi haal tha. Sadak par DJ ki dhun par haath mein sharaab ki botal lekar jamkar naach kiya. Is maamale mein bhi SSP ne 2 sipaahiyon ko suspend kar diya.

UP Mein Holi Par Huddang Karne Vaale Policekarmi Suspend https://www.angrejinews.com/pic/3873