UP Mein Darindagi Ki Ek Aur Ghatna, Balaatkaar Peedit Ki Maan Ko Aaropi Ke Pita Ne Berahmi Se Peeta

Breaking »

UP Mein Darindagi Ki Ek Aur Ghatna, Balaatkaar Peedit Ki Maan Ko Aaropi Ke Pita Ne Berahmi Se Peeta

Rape peedit ki maan pitaai se buri tarah jakhmi ho gayi hai Rape peedit ki maan pitaai se buri tarah jakhmi ho gayi hai Itaava / badaayoon: uttar pradesh mein mahilaaon ke khilaaf yaun aparaadhon ke lagaataar badhte maamalon ko lekar raajya sarkaar ki kaabiliyt par fir savaal uth rahe hain. Badaayoon mein do naabaalig ladkiyon se balaatkaar aur hatya ke maamale ne raajya mein kaanoon-vyavastha ki haalat par bada prashnachihn khada kar diya hai. in bachchiyon ke saath gang-rape ke baad aparaadhiyon ne inki hatya kar unke shav ko ped par lataka diya. Ladkiyon ke parivaar ka aarop hai ki police ne samay rahate kaarravaai naheen ki, varana inhein bachaaya ja sakta tha. Police ne is maamale ke teen aaropiyon ko giraftaar kar liya hai. udhar, mukhyamantri Akhilesh Yadav ke gruh jile itaava mein balaatkaar ki shikaar ladki ki maan ki pitaai ka maamala saamane aaya hai. Peedit ki maan ki pitaai ka aarop balaatkaar ke aaropi shakhs ke pita par laga hai. kaha ja raha hai ki mahila par lagaataar dabaav daala ja raha tha ki vah apni beti ke saath hue balaatkaar ka maamala vaapas le le, lekin jab mahila ne aisa naheen kiya, to usaki jamkar pitaai ki gayi. Pitaai ke chalte mahila gambhir roop se ghaayal ho gayi hai aur use itaava ke ek aspataal mein ICU mein rakha gaya hai. Aaropi ki abhi tak giraftaari naheen hui hai.

UP Mein Darindagi Ki Ek Aur Ghatna, Balaatkaar Peedit Ki Maan Ko Aaropi Ke Pita Ne Berahmi Se Peeta https://www.angrejinews.com/pic/52175