UP Mein Congress Ko Majaboot Banaane Mein Jute Rahul

Breaking »

UP Mein Congress Ko Majaboot Banaane Mein Jute Rahul

Manjari chaturvedi. . Nai Delhi aagaami aam chunaavon ko dekhte hue Congress ne uttar pradesh mein bade paimaane par ferabadal ki yojana banaai hai. Raajya mein Loksabha seaton ki bhaari hissedaari ko dekhte hue Congress upaadhyaksh Rahul Gandhi is ferabadal mein khud sakriya bhoomika nibha rahe hain. Pradesh sangathan mein hone vaale badlaav ka kaam 2 se 3 charanon mein poora hone ki sambhaavana hai. Sootron ke mutaabik, pehle charan mein raajya ke jonal head ke saath-saath jila adhyakshon aur blauk adhyakshon ke badlaav par faisala kiya ja sakta hai. UP mein hone vaale badlaav ko lekar Rahul Gandhi somvaar ko Delhi mein meeting karne ja rahe hain, jismein raajya ke prabhaari, pradeshaadhyaksh, seeelapi leedar sahit raajya ke kuchh bade neta sahit maujood raheinge. Gaurtalab hai ki jila adhyakshon aur blauk adhyakshon ko lekar Rahul Gandhi aur pradesh adhyaksh nirmal khatri ke beech vichaar vimarsh jaari hai. Bataaya ja raha hai ki sheersh netrutv list ko antim roop dene mein juta hai. Sootron ke mutaabik, pradesh mein 50 se 60 feesadi jilaadhyaksh aur blauk adhyaksh badle ja sakte hain. Is badlaav ke liye keindreeya netrutv ne lambi chaudi eksarasaaij ki hai. Ek taraf jahaan har jonal head se jila aur blauk ke liye kaindidets ki list maangi gayi, vaheen doosari or keindreeya netrutv ne raajya ke sabhi 80 jilon mein objarvar bhej kar unki report bhi mangaai. Bataaya ja raha hai ki final list mein in donon riporton ka dhyaan bhi rakha ja raha hai. Pradesh ke ek neta ka kehna hai ki jilaadhyaksh aur blauk adhyaksh ke badlaav ke baad Rahul Gandhi va Congress adhyaksh soniya Gandhi sahit Congress ke kuchh bade neta in logon se mileinge. Aur uske baad pablik railiyon ki shuruaat ki jaaegi. Iske saath hi jonal head badalne ko lekar bhi kavaayad jaari hai. Is badlaav ke peechhe tark yah diya ja raha hai ki choonki kai jonal head maujooda saansad hain aur unke aage bhi Loksabha chunaav ladne ki sambhaavana hai, isliye unase yah jimmedaari vaapas li ja rahi hai. Haalaanki is ferabadal ki ek vajah yah bhi bataai ja rahi hai ki Rahul Gandhi jyaadaatar jonal head ke kaamkaaj se santusht naheen the. Bataaya jaata hai ki aalaakamaan ne har jonal head se apne jon ki ek diteld report maangi thi, lekin chhah maheene beet jaane ke baad bhi ek-do logon ko chhodkar kisi ne bhi yah report naheen saunpi. Baad mein aalaakamaan ki naakhushi saamane aane par baaki logon ne report bhejane ki jahamat uthaai.

UP Mein Congress Ko Majaboot Banaane Mein Jute Rahul https://www.angrejinews.com/pic/8980