UP Mein Avaidh Khanan Maamala SP Neta Aur Poorv Mantri Gaayatri Prajaapati Ke Ghar CBI Ka Chhaapa

India »

UP Mein Avaidh Khanan Maamala SP Neta Aur Poorv Mantri Gaayatri Prajaapati Ke Ghar CBI Ka Chhaapa

Lucknow UP mein avaidh ret khanan maamale ki jaanch kar rahi CBI ne Budhvaar ko Akhilesh sarkaar mein khanan mantri rahe gaayatri prasaad prajaapati ke amethi sthit ghar par chhaapemaari ki. Gaayatri ke alaava isi maamale mein CBI ne emaelaesi ramesh mishr ke thikaanon par bhi chhaapemaari ki. Media reports ke mutaabik CBI filhaal prajaapati ke parijanon se poochh-taachh kar rahi hai. Mulaayam Singh Yadav ke behad kareebi maane jaane vaale gaayatri prajaapati Akhilesh sarkaar mein kaafi majaboot rahe. Khanan mantri rahate hue un par avaidh khanan ke baad kai sangeen aarop lage. Baad mein ek mahila ke saath rape ka bhi prajaapati par aarop laga. Is maamale mein gaayatri prajaapati abhi jail mein hain. Haai court ke nirdesh par jaanch kar rahi CBI Bata dein ki ilaahaabad haai court ke nirdesh par CBI ne 2016 mein is maamale ki jaanch shuroo ki. CBI ne is silsile mein agyaat logon ke saath-saath sarkaari adhikaariyon ke khilaaf IPC ki vibhinn dhaaraaon ke tahat case darj kiya hai. FIR mein netaaon aur adhikaariyon ke naam FIR mein kuchh netaaon aur adhikaariyon, sarkaari mulaajimon ke naam hai. Avaidh khanan maamale mein aaiees afsar bi. Chandrakala ke alaava aadil Khan, tatkaaleen khanan adhikaari moinuddeen, samaajavaadi party ke emaelasi ramesh mishra aur unke bhaai, khanan klark Ram aashray prajaapati, Ambika tivaari (hameerapur), SP ke emaelasi sanjaya Dixit, khanan klark Ram avataar Singh aur unke rishtedaar aaropi hain. January mein 14 jagahon par hui thi chhaapemaari Isse pehle January mein CBI ki teemon ne Lucknow, Kanpur, hameerapur, jaalaun ke alaava raashtreeya rajdhani Delhi samet 14 jagahon par chhaapemaari ki. CBI team ne Lucknow sthit Hussainganj mein aaiees adhikaari bi. Chandrakala ke aavaas par bhi chhaapa maara tha. Safaayar apaartameint mein CBI ne chhaapemaari ke dauraan kai dastaavej bhi jabt kiye. Agency ke mutaabik in afsaron aur karmachaariyon par 2012 se 2016 ke dauraan avaidh khanan ki ijaajat dene aur licenson ke reenyooal ka aarop hai, jabki naishanal green traaibyoonal (NGT) ne khanan par rok laga rakhi thi.

UP Mein Avaidh Khanan Maamala SP Neta Aur Poorv Mantri Gaayatri Prajaapati Ke Ghar CBI Ka Chhaapa https://www.angrejinews.com/pic/280713