UP Ko Poori Madad Kareinge Chidambaram

India » Saturday, March 30, 2013

bhaasha. Lucknow SP (samaajavaadi party) dvaara UPA sarkaar se samarthan vaapas lene ki charchaaaane ke beech vitt mantri pi. Chidambaram ne shukravaar ko kaha ki kendra sarkaar UP ke vikaas mane poora samarthan degi. Vitt mantri ne yahaan UP ke vibhinn bhaagon mein sthaapit nau sarkaari bainkaane ki 300 nai shaakhaaon ka udghaatan karte hue kaha, kai maayane mein UP ka vikaas desh ke vikaas aur pragati ki disha tay karne mein mahatvapoorn bhoomika nibhaata hai. Mukhyamantri Akhilesh Yadav ki maujoodagi mein Chidambaram ne kaha, ham UP aur anya sabhi raajyon ki har tarah se sahaayata karne ko pratibaddh hain. Mukhyamantri naujavaan hain aur hamein bharosa hai ki vah UP ko aage badhaane mein harsambhav koshish kareinge. Unhonne kaha, main CM, unki team aur netaaji (mulaayam Singh Yadav) ko aashvast karna chaahata hoon ki ham UP ke vikaas mein harsambhav sahaayata ko pratibaddh hain. Pradhaanamantri Manmohan Singh ne kal dakshin Africa se lautate hue samvaadadaataaon se baatcheet mein ek tarah se maana tha ki SP samarthan vaapas le sakti hai. Par pradhaanamantri ne yah vishvaas bhi jataaya tha ki unki sarkaar kaaryakaal poora karegi. SP supreemo mulaayam ne bhi haal mein Congress aur UPA par hamla tej kar diya hai. Aise mein vitt mantri Chidambaram ka aaj ka bayaan mahatvapoorn ka maana ja raha hai. Vitt mantri ne UP ke vikaas ko desh ki pragati ke liye jaroori bataate hue kaha, UP ki vaarshik yojana ka aakaar badh raha hai. 2010-11 mein UP ki vaarshik yojana ka aakaar 42,000 karod rupaye tha, jo 2012-13 mein badhkar 57,800 karod rupaye ho gaya. Ham jaante hain ki UP bada raajya hai aur yojanaagat vyaya mein yahaan jitni badhotri hogi vah pradesh ke liye utani hi achhi hogi. Unhaanene kaha ki sabhi raajyon ke vikaas ki gati ekasamaan naheen ho sakti hai. Kendra sarkaar raajyon mein kisi prakaar ka bhedabhaav naheen karti aur pichhde raajyon ke vikaas ko tarajeeh dene ki neeti par chal rahi hai. Ham poore Bhaarat ka vikaas chaahate hain, khaaskar pichhde aur kam suvidha sampann raajyon ke vikaas ko tarajeeh dete hain. Jab pichhde raajyon ka vikaas hoga tabhi poore desh ka vikaas ho paaega. Isse poorv, vitt mantri ne raajya mein nau saarvajanik bainkaane ki 300 nai shaakhaaon ka udghaatan karte hue kaha ki desh ke vibhinn anchalon mein bank shaakhaaon ki maang badh rahi hai. Sarkaari bank is maang ko poora karne ki disha mein sakaaraatmak bhoomika nibhaaenge. Vitt mantri ne bankon se karj lene ke baare mein logon ke rukh mein badlaav ki jaroorat par bal dete hue kaha , jab ham karj dete hai to koi daan naheen dete. Abhivyakti ki aajaadi ki tarah karj praapt karna bhi har naagrik ka adhikaar hai.