UP Ki Baroda Par Romaanchak Jeet

Cricket »

UP Ki Baroda Par Romaanchak Jeet

Sayyed Mushtaq Ali trophy agencyan . Indore uttar pradesh (UP) ne Baroda par shukravaar ko yahaan Sayyed Mushtaq Ali trophy twenty-20 cricket tournament ke super league mein group bi match mein antim geind par do wicket se shikast di. Jeet ke liye 128 run ke taaraget ka peechha kar rahi uttar pradesh ko antim over mein 16 run ki darkaar thi jabki uske do wicket baaki the. Imtiyaaj Ahmad (not-out 15) ne antim over mein do chhakke jamaakar uttar pradesh ki team ko jeet dilaai. Mohammad kaif (24) aur tanmaya shreevaastav (24) ne uttar pradesh ke liye teesare wicket ke liye 44 run ki mahatvapoorn bhaageedaari nibhaakar upayogi yogadaan diya. Baroda ke liye M vaai vohara ne 13 run dekar teen jabki bi A bhatt ne 27 run dekar do wicket haasil kiye. Isse pehle echaech paandya (not-out 37) aur J bi chhaaya (22) ke saath chauthe wicket ki 48 run ki bhaageedaari se nirdhaarit 20 over mein Baroda ne aath wicket par 128 run banaae. Ees mishra (3/23) aur imtiyaaj (2/20) uttar pradesh ke sabse kaamayaab baular rahe. Kerala ne Orissa ko shikast : Kerala ne apne khilaadiyon ke harfanmaula pradarshan se odisha par group A ke ek anya match mein chhah wicket se jeet darj ki. Kerala dvaara pehle batting ke liye bulaae jaane par Orissa ne nirdhaarit 20 over mein aath wicket par 125 run hi banaae. . Odisha ke liye ankit Yadav ne teen chauke ki badaulat 28 run banaae jabki laganajeet samal (20) aur sooryakaant pradhaan (18) ne nauve wicket ke liye 35 run jode. Iske baad Kerala ne chaar baul ke baaki rahate keval chaar wicket khokar jeet ka taaraget pa liya. Kerala ne haalaanki 7.5 over mein teen wicket keval 44 run par ganva diye the. Sanjoo vishvanaath ne do chhakke aur ek chauke se not-out 41 run banaae aur unhonne sachin baby (33) ke saath milkar 64 run ki jod kar Kerala ko jeet dilaai.

UP Ki Baroda Par Romaanchak Jeet https://www.angrejinews.com/pic/3819