UP Ke Har Jile Mein Baneinge Military Aspataal

India » Friday, April 19, 2013

vishesh samvaadadaata. Lucknow : Poorv sainikon samet sena ke javaanon ko ab keval Lucknow, Mathura aur Agra ke sainik aspataalon par hi nirbhar naheen rahana hoga. Pradesh sarkaar ne UP ke har jile mein military aspataal kholne ki yojana banaai hai. Pashchimi uttar pradesh ke haatharas jile se yah yojana shuroo ki jaaegi. SP sarkaar ne sthaaneeya prashaasan ko iske liye jameen muhaiya karaane ke aadesh diye hai, taaki in aspataalon mein shaheed ke parijanon aur poorv sainikon ko behtar chikitsa suvidha mil sake. Sena ki pahal par pradesh sarkaar ne is tarah ke aspataal kholne ki yojana banaai hai. In aspataalon mein sena ke dauktararaheinge. Staaf aur anya karmachaari bhi pradesh sarkaar muhaiya karaaegi. Filhaal svaasthya sevaaon ke liye sena ke javaanon aur unke parijanon ko Mathura, Agra aur Lucknow ke aspataalon par nirbhar rahana padta hai. Shaasan ne haatharas jila prashaasan ko 700 varg meter jameen upalabdh karaane ko kaha hai taaki aspataal ki bilding banaai ja sake.