UP Do Naabaalig Bachchiyon Ko Kathit Roop Se Gang-rape Ke Baad Faansi Par Latakaaya

Breaking »

UP  Do Naabaalig Bachchiyon Ko Kathit Roop Se Gang-rape Ke Baad Faansi Par Latakaaya

Nai Delhi: uttar pradesh ke badaayoon zile ke katara gaanv mein do naabaalig bachchiyon ke shav ped se latake mile hain. Parijanon ka aarop hai ki donon naabaalig bachchiyon ki balaatkaar ke baad hatya kar di gayi hai. Is maamale mein do policewaalon samet paanch logon par case darj kiya gaya hai. Vaheen SP city ne balaatkaar ki pushti naheen ki hai. ghatna se aakroshit logon ne police par laaparavaahi ka aarop lagaakar raasta jaam kiya. Is maamale mein do aaropi sipaahiyon ke khilaaf vaaradaat ki saajish rachane ka maamala darj karke unhein nilmbit kar diya gaya hai. Iske alaava chauki prabhaari raamavilaas Yadav ko bhi laaparavaahi ke aarop mein muattal kiya gaya hai. police adheekshak atul Saxena ne bataaya ki usahait thaana kshetr ke katara gaanv mein dalit jaati ki 14 tatha 15 saal ki do chacheri bahanein raat shauch karne ke liye gaanv ke baahar gayi theen. Unke ghar na lautane par parijan ne raat bhar unki talaash ki. Subah ek baag mein aam ke ped ki daali par faansi se donon ladkiyon ke shav latakate paaye gaye. unhonne bataaya ki katara chauki mein tainaat sipaahiyon sarvesh Yadav aur rakshapaal Yadav samet is maamale ke saat aaropiyon mein se pappoo Yadav, avadhesh Yadav aur brujesh Yadav ko naamajad kiya gaya hai jabki do agyaat ke khilaaf bhi mukadama hua hai. Aaropiyon mein se pappoo ko giraftaar kar liya gaya hai. Baaki ki talaash jaari hai.

UP Do Naabaalig Bachchiyon Ko Kathit Roop Se Gang-rape Ke Baad Faansi Par Latakaaya https://www.angrejinews.com/pic/52054