UP Do Ladkiyon Ko 'Saamoohik Balaatkaar Ke Baad Faansi Par Latakaaya

Breaking »

UP  Do Ladkiyon Ko 'Saamoohik Balaatkaar Ke Baad Faansi Par Latakaaya

Badaayoon: uttar pradesh ke badaayoon jile mein hui ek lomahashark vaaradaat mein do bahanon ko kathit roop se saamoohik balaatkaar ke baad faansi par lataka diya gaya. Ghatna se aakroshit logon ne police par laaparavaahi ka aarop lagaakar poore thaane ko nilmbit karne ki maang karte hue raasta jaam kiya. is maamale mein ek aaropi sipaahi ko nilmbit kar diya gaya hai. prabhaari jilaadhikaari udayaraaj Singh ne bataaya ki usahait thaana kshetr ke katara gaanv mein dalit jaati ki 14 tatha 15 saal ki ladkiyaan raat shauch karne ke liye gaanv ke baahar gayi theen. Donon chacheri bahanon ke ghar na lautane par parijanon ne raatabhar unki talaash ki. Aaj subah ek baag mein aam ke ped ki ek hi daali par faansi se donon ladkiyon ke shav latake paae gaye. unhonne bataaya ki is maamale mein katara chauki mein tainaat sipaahi sarvesh Yadav samet chaar logon par balaatkaar ke baad hatya ka aarop lagaaya gaya hai. Unamein se pappoo naamak abhiyukt ko giraftaar kar liya gaya hai aur aaropi sipaahi ko nilmbit kar diya gaya hai. Vah tatha do anya aaropi abhi police ki pakad se baahar hain. Singh ne bataaya ki graameenon ne usahait-lilvaan maarg par raasta jaam kar diya. Unki maang thi ki usahait thaane ke sabhi policekarmiyon ko nilmbit kiya jaae aur mukhyamantri Akhilesh Yadav khud mauke par aaen, lekin adhikaariyon ke samajhaane-bujhaane aur aaropiyon par sakht kaarravaai karne ke aashvaasan ke baad graameenon ne police ko shav le jaane diye. mrut ladkiyon ke parijanon ka aarop hai ki aaropiyon ne donon ladkiyon ko saamoohik balaatkaar ke baad faansi par lataka diya. Unka kehna hai ki ve ladkiyon ke gum hone ki shikaayat lekar katara chauki pahunche the. Vahaan tainaat sipaahi sarvesh Yadav ne pehle to koi kaarravaai naheen ki, lekin fir usane pappoo aur brujesh naamak aaropiyon ko pakada, magar thodi hi der baad donon ko chhod diya. Baad mein usi ne bataaya ki donon ladkiyaan baag mein faansi se lataki hui hain. Police adheekshak (nagar) Mansingh chauhaan ne balaatkaar ki sambhaavana se inkaar naheen kiya, lekin kaha ki is baare mein pukhta taur par koi baat postmortem report ke baad hi kahi ja sakti hai. Unhonne bataaya ki jaam khulava diya gaya hai. Parijanon ki tahareer par kaarravaai ki jaaegi.

UP Do Ladkiyon Ko 'Saamoohik Balaatkaar Ke Baad Faansi Par Latakaaya https://www.angrejinews.com/pic/52007