UP Congress Mein Jonal System Khatm Kareinge Rahul

Breaking »

UP Congress Mein Jonal System Khatm Kareinge Rahul

vishesh samvaadadaata. Lucknow : Loksabha chunaav najadeek aane ke saath hi Congress upaadhyaksh Rahul Gandhi ne fir se khud ko UP par focus kar liya hai. Is baar vah UP se Congress ke liye seaton ka sookha khatm karna chaahate hain. Sangathan ko majabooti dene ke liye vah uttar pradesh Congress ki kamaan poori tarah se UP Congress adhyaksh nirmal khatri ko dene ka faisala le chuke hain. Isi ke tahat jonal vyavastha bhi samaapt hogi. Rahul jonal prabhaariyon ke kaamkaaj se behad khafa hai. Haal mein hi Rahul ne inke kaamkaaj ki sameeksha ki thi. Jonal vyavastha kisi samay bhi bhang ki ja sakti hai. Choonki Loksabha seaton ke anusaar UP desh ka sabse bada raajya hai. Isliye Congress yahaan party sangathan par kuchh jyaada hi dhyaan day rahi hai. Dr. Reeta bahuguna Joshi ko adhyaksh pad se hataane ke baad jab nirmal khatri ko UP ki kamaan saunpi gayi, tab Rahul ne sangathan ko aur majaboot karne ke liye UP ko 8 jon mein vibhaajit kar unki kamaan mantriyon aur varishth netaaon ko saunpi thi. In jon prabhaariyon ko kaam ki poori chhoot di gayi thi. Rahul ne yojana ke anusaar raajya ko 8 jon mein baantakar usaki kamaan pi. L. Puniya, raajaaraam paal, rasheed masood, anugrah Narayan Singh, nadeem jaaved, vivek Singh, jitin prasaad aur aar. Pi. N. Singh ko saunpi thi. Rahul Gandhi ko jo report mili hai, uske anusaar jyaadaatar jonal adhikaari ek-aadh baar apne kshetron mein gaye the. Uske baad in logon ne kaamkaaj mein ruchi lena band kar diya. Jon prabhaariyon se jo report Rahul Gandhi ko mili hai, usase na to Rahul Gandhi ittafaak rakhate hain aur na hi pradesh adhyaksh nirmal khatri. Isi ke baad sanket mil rahe hain ki pradesh mein jald hi jon star ki vyavastha khatm ki jaaegi.

UP Congress Mein Jonal System Khatm Kareinge Rahul https://www.angrejinews.com/pic/5485