UN Apne Pehle Ke Rukh Se Peechhe Hatate Hue Bhaarat Ne Ijaraayal Ke Samarthan Mein Kiya Vote

Breaking »

UN Apne Pehle Ke Rukh Se Peechhe Hatate Hue Bhaarat Ne Ijaraayal Ke Samarthan Mein Kiya Vote

Sanyukt raashtra Bhaarat ne apne ab tak ke rukh se hatate hue sanyukt raashtra ki aarthik aur saamaajik parishad mein ijaraayal ke ek prastaav ke samarthan mein matadaan kiya hai. Ijaraaili prastaav mein filisteen ke ek gair-sarkaari sangathan 'Shaheed' ko salaahakaar ka darja diye jaane par aapatti jataai gayi thi. Ijaraayal ne kaha ki sangathan ne hamaas ke saath apne sambandhon ka khulaasa naheen kiya tha. Aakhirkaar sangathan ko sanyukt raashtra mein paryavekshak ka darja dene ka prastaav khaarij ho gaya. Udhar, Delhi mein tainaat ijaraayal ki raajanayik maaya kadosh ne samarthan mein vote daalne par Bhaarat ka aabhaar jataaya hai. Unhonne tweet kiya, 'Ijaraayal ke saath khade rahane aur aatanki sangathan shaheed ko sanyukt raashtra ke paryavekshak ka darja dene ki appeal ko khaarij karne ke liye Bhaarat ka shukriya. Ham saath milkar aatanki sangathan ke khilaaf kaam karte raheinge, jin sangathanon ka maksad nuksaan pahunchaana hai. ' Ijaraayal ne sanyukt raashtra ki aarthik aur saamaajik parishad mein 6 June ko masauda prastaav 'L. 15' pesh kiya. Is prastaav ke paksh mein rekaard 28 mat pade jabki 14 deshon ne iske khilaaf matadaan kiya jabki paanch deshon ne mat vibhaajan mein bhaag naheen liya. Thank you #India for standing with @IsraelinUN and rejecting the request of terrorist organization “aShahed” to obta… https: //t. Co/Ulvy3hQhAV— Maya Kadosh (@MayaKadosh) 1560227409000 Prastaav ke paksh mein matadaan karne vaale deshon mein Brazil, Canada, Columbia, France, Germany, Bhaarat, Ireland, Japan, Korea, Ukraine, Britain aur America shaamil hain. Misr, Pakistan, Turkey, Venezuela, yaman, Iran aur cheen sahit 14 deshon ne is prastaav ke virodh mein voting ki. Parishad ne NGO ke aavedan ko lautaane ka faisala kiya kyonki is saal ki shuruaat mein jab uske vishay par vichaar kiya ja raha tha, gair-sarkaari sangathan mahatvapoorn jaankaari pesh karne mein vifal raha. NGO ne apne aavedan mein sanyukt raashtra ke paryavekshak ka darja diye jaane ki appeal ki thi.

UN Apne Pehle Ke Rukh Se Peechhe Hatate Hue Bhaarat Ne Ijaraayal Ke Samarthan Mein Kiya Vote https://www.angrejinews.com/pic/280630