UAE Mein Avaidh Roop Se Rah Rahe 45 Hajaar Bhaarateeya Lauteinge

World »

UAE Mein Avaidh Roop Se Rah Rahe 45 Hajaar Bhaarateeya Lauteinge

Hyderabad. . Pravaasi maamalon ke mantri vayalaar ravi ne kaha hai ki khaadi deshon dvaara ghoshit maafi yojana ke tahat desh lautane ke liye aavedan karne ki sambhaavana hai. Agar aisa hota hai to UAE mein avaidh roop se rah rahe 45 hajaar bhaarateeya vaapas svadesh laut sakte hain. Avaidh nivaasiyon se bina jurmaane ke ya to desh chhodne ya fir apne visa niyamit karaane ke liye kehne waali UAE ki yojana aaj se shuroo hogi aur teen February tak chalegi. Mantri ne vibhinn raajyon ke mukhyamantriyon ko likhe patra mein yah bhi aagrah kiya hai ki ve UAE mein rah rahe gareeb majadooron ke liye ni: Shulk havaai tikton ki vyavastha karein. Ravi ne apne patra mein kaha, 2007 mein di gayi maafi mein bhaarateeya mission dvaara ki gayi vyavastha ke aadhaar par kareeb 40 hajaar bhaarateeyon ne sanyukt arab ameeraat chhoda tha. Sarkaar ke anumaan ke mutaabik is baar UAE mein avaidh tareeke se rah rahe kareeb 45 hajaar bhaarateeya maafi ke liye aavedan kareinge. Mantri ne kaha ki adhiktar avaidh aavrajak gareeb aur kam vetan vaale majadoor hain aur ve Bhaarat aane ka kharch vahan karne mein saksham naheen honge. Mantraalaya dvaara sthaapit bhaarateeya samudaaya kalyaan kosh is jaroorat ko poora karne ke liye paryaapt naheen hoga . Ravi ne apne patra mein aagrah kiya hai, 'Main aapse (mukhyamantriyon se) aapke raajyon ke un jarooratamand majadooron ke liye ni: Shulk havaai tikton ki vyavastha karne ka aagrah karta hoon jinhein maafi yojana ke tahat UAE chhodne ki anumati mil jaati hai. Main aapse sakaaraatmak javaab ki ummeed kar raha hoon. UAE sarkaar ke anusaar maafi keval unheen ke liye laagoo hogi jo apne rahane ki samay avadhi se adhik samay se ya aavaaseeya visa par rahe hain, na ki ghuspaithiyon ko

UAE Mein Avaidh Roop Se Rah Rahe 45 Hajaar Bhaarateeya Lauteinge https://www.angrejinews.com/pic/3471