Turning Pichon Se Shikaayat Naheen Aarthar

Cricket »

Turning Pichon Se Shikaayat Naheen Aarthar

Mohali. . Australiaee coach Micky aarthar yah shikaayat naheen kar rahe hain ki Bhaarat ne turning pitchein banaayi hain jisse unke kuchh khilaadiyon ki spin ke khilaaf kamjori ka 'Khulaasa' ho gaya. Aarthar ko lagta hai ki mejabaan desh ko apne majaboot pakshon ke mufeed hi pitchein taiyaar karni chaahiye. Australiaee team chennai aur Hyderabad mein mili haar se chaar maichon ki series mein 0-2 se pichhad rahi hai. Unhonne kaha, 'Mujhe bahut niraasha hogi, agar ham Bhaarat aayein aur Bhaarat apni paristhitiyon ke anukool turning pitch naheen banaaye. Up mahaadveep ke haalaat hamaare kuchh khilaadiyon ke liye kaafi chunauteepoorn hote hain aur ab unhein pata chal gaya hai ki yahaan par kitni mushkil hoti hai. Isi tarah jab bhaarateeya team osteliya ka daura karti hai to bhi aisa hi hoga. Yahi vishv cricket hai. ' Australiaee coach ne kaha, 'Humne abhi tak is daure se kaafi cheejein seekhi hain, hamaare kuchh khilaadi yahaan pehli baar aaye hain. Aap kah sakte ho ki hamaare kuchh ballebaajon ki turning geind ke khilaaf kamjori ujaagar ho gayi. Yah unke liye asaamaanya naheen hai. Chennai aur Hyderabad mein bhi aisa hi huaa. Mujhe ummeed hai ki unhein is anubhav se faayda milega. ' aarthar ne kaha ki agar unhein test cricket mein number ek team banane ki ummeedon ko barkaraar rakhana hai to unke khilaadiyon ko videshi sarjameen par achha pradarshan karna seekhana hoga. Unhonne kaha, 'Mujhe lagta hai ki number ek team banane ke liye mukhya cheej yahi hai ki aapko ghareloo haalaat se baahar (videshon) mein jeet darj karna seekhana hoga. Agar aap ghareloo sarjameen par jeet darj karte ho, yah theek hai kyonki jyaadaatar teemein aisa karti hain. Sheersh chaar-paanch teemein aisa karti hain. Lekin videshi sarjameen par jeetna hi maayane rakhata hai, isi mein aapko behtar hona hoga. ' aarthar ne is baat ko maanane se inkaar kar diya ki unki team ne doosare aur teesare test ke beech mile hafte bhar ke break ko sahajata se liya kyonki unke kuchh khilaadi baasketabaal khel rahe the jabki anya chidiyaaghar aur anya sthalon mein ghoomane gaye the. Unhonne kaha, 'Naheen, bilkul naheen (hamein ise aaraam se naheen le rahe hain. ) humne yahaan aane se pehle Hyderabad mein paanch din track par training ki thi. Humne yahaan khilaadiyon ko maanasik roop se tarotaaja hone ke liye do din ka aaraam diya. Humne kal aur aaj training ki. Agale test se pehle hamaare do training satr hain. Ham har tareeke se taiyaari kareinge. '

Turning Pichon Se Shikaayat Naheen Aarthar https://www.angrejinews.com/pic/3240